Shillong 31 Naitung: U MDC ka sohra konstitwensi u bah Tittosterwell chyne ha ka janmiet jong ka 31 tarik u Naitung 2024, u la wan poi ha ka jaka ba pynlong jingiakhih ki nongtrei ka All Meghalaya SSA Non-Teaching Staff Association, kum ka dak ban wan ai mynsiem bad ban iakren halor ka jingeh ba ki nongtrei ki iakynduh.
Kum u wei na ki nongmihkhmat u ba ju ai jingiarap ha kino kino ki Jingiakhih la kalong ha ki ophis ne ki nongtrei, kumta kadei ka kamram jong nga ba ngan wan dalade ha kane ka jaka, ong u bah Tittos.
Ha ba kren sha ki lad pathai khubor u bah Tittosterwell u la pynpaw, ba ka sorkar kam dei ban ap ba ka kynhun paidbah ne kino kino ki bynta, ba ki paidbah ba kin mih sha madan, ban iakhih sha surok ban ioh ia ka jingdawa jongki.
U la ong ruh, ba ka sorkar kadei ban khot ia ki nongtrei SSA ha ka miej jingiakren khnang ban shai kiei baroh.
U bah Titoss u la kular ruh, ba un sa iakren ia ki nongialam jong ka party jong u ka ba don mynta ha ka sorkar MDA-2 ban rah ia kane ka mad jingdawa, bad ka sorkar bad ma u ruh dalade un sa iakren bad u myntri sorkar u ba dei peit ia ka tnad pule puthi, ban shimkhia ia kane ka jingdawa.
Kum ban shu kdew hangne, ba kane ka jingiakhih ki nongtrei ka All Meghalaya SSA Non-Teaching Staff Association, kalong ban dawa na ka sorkar jylla, ban mynjur 80 per cent ban kyntiew tulop ia ki ym tang 25 per cent.
Phi don ban ong eiei?