Ka sorkar ka pynlut shibun ka pisa Nga kwah ban iohi, ki nongrep ki ioh ne em:Dr C Lyngdoh

Shillong, 9 Naitung:
Ka long ha ka sien ba nyngkong ba u myntri sorkar lane U Parliamentary Secretery, ba un hiar ha lyngkha rep, hynrei U Dr C Lyngdoh Parliamentary Secretery jong ka sorkar Jylla, uba peit ia ka rep ka riang, ha ki khyndiat sngi ba ladep, ula hiar hi dalade sha ki lyngkha rep sha Amlarem, Khliehriat bad Jowai, ban peit ia ka jinglong jong ka rep ka riang ha kitei ki bynta jong ka Jaintia Hills, ba kynthup ruh ia ka War Jaintia.
Haba iakren mynta ka janmiet bad U Rupang, U Dr Bom, ula kynthoh lyngkot, da kaba ong “Ka sorkar, ka pynlut bun bah ka pisa ha ka rep ka riang’. Nga kwah ban peit la ki nongrep, ki ioh shisha ne em”. Ula ong biang “Nga sngewtynnad ban iohi ia ka jingtrei jong ki ophisar ha ki jaka rep bad ka jingtrei ha ki jaka rep ka long kaba itynnad shibun”.
U Dr Bom, ula leit sha Amlarem, ha ka 2tarik mynta u bnai, nangta sha Khliehriat, ha ka 4tarik bad ha Jowai, mynta ka sngi. U iathuh ba ka jingbei pisa jong ka sorkar, ka long kaba bun bha, ha kaba sam symbai sha ki nongrep, ha kaba sam dawai rep bad ai dawai ban ialeh pyrshah ia ki khniang. Hynrei, U Dr Bom, u pynpaw, ia ka jingsngewhun, ba ki nongrep, ki ioh, ia la ka jong ka bhah jongki, ha ka rep ka riang.
“Ngan leit sha kylleng ka Jylla” ong U Dr Lyngdoh, ha kaba ula iathuh ba un leit ha ki khyndiat sngi ban wan sha Mawkyrwat, Nongstoin bad sha kiwei de ki nongbah jong ki District.
[ka khubor na Jowai]
U Dr. C. Lyngdoh u ba long u Parliamentary Secretary I/C ka tnad Agriculture jong ka sorkar Meghalaya mynta ka sngi 9.7.2012 u la wan hiar sha kane ka District Jaintia hill ban peit bad tohkit bniah ia ka rukom treikam ka tnad Department of Agriculture kumjuh ruh ia ki nongrep nongriang. Ha kane ka jingwan jong u haduh lai sngi linter u la jurip ia ki ar tylli ki District jong ka Jaintia hill kunjuh ruh ia ka thain war jaintia.
Ha kane ka jingleit jurip jong u ha ka jingiakren bad uwei na ki nongrep u ba tip kyrteng kum u ma Drinson Shylla ha Pynthorwah Jowai u la pynpaw ia ka jingsngew kmen haduh katta katta ia ka jingwan hiar bad leit jngoh une u heh ka Department kum ia ki nongrep.
Ha ba u Dr. Lyndoh bad ki nongrep u la pynshlur ia ki ban rep shibun u riewhadem bad ha kaba ia dei ban pyniaid iew ia une u mar yn sa ia the bad ka Department jong ka Fishery bad ka Veterinary Depatment ong u Dr Lyngdoh.