Shillong:U symbud myntri rangbah ka jylla u bah Prestone Tynsong, u la ong ba ka sorkar kan jynjar ban iarap ia ki briew kum ba long mynshem snem.
Haba iakren bad ki lad pathai khubor u bah Tynsong u la ong ba ban ia nujor ia ka jingkhangdam ka ba mynta bad ka ba mynshem snem ka pher shibun namar ha ka jingkhang dam mynta ki bun ki kam ki jam, ka sorkar ka pynlait ban trei.
“Haba ong ha ki thain nongkyndong ka bylla 100 sngi ka sorkar ka shah ba kin trei bad ha baroh kawei ka jylla ia ki kam construction ka sorkar ka shah ban trei”u la bynrap.
U Symbud myntri rangbah ka jylla, u la ong ba ka jingpynjari ia ka jingkhang dam bad kumjuh ka jingpynlait ia ki katto katne ki kam, kan ym don ka jingshah ktah palat ha ka ioh ka kot mynta ka kynti. La iathuh ba ki bor pyniaid jong ka District Administration ka la ithuh ia ka Lad Smit bad ka Upper Shillong ban long ka iewdielang na ka bynta ban pyniaid iew ia ki mar rep.
Ha ba iakren bad ki lad pathai khubor u bah Tynsong u la ong ba hadien ka jingphah khang ba shipor ia ka iewdielang ha Iewduh, ka sorkar ka la plie ia ki jaka iewdie lang ha Lad Smit bad ha Upper Shillong.
U la iathuh ruh ba na ka liang ka district, mynta ka dang wad shuh shuh ia ki jaka ban pynlong ia ki iewdie lang ban ioh ban pyniaid iew ia ki marrep.
U bah Tynsong u la iathuh ba na ka liang ka sorkar India ka la ai jingiarap ia u khaw na ka bynta u bnai Jymmang bad u bnai Jylliew bad une u khaw un long na ka bynta ki 21,5000 tylli ki longing kiba ioh ia u khaw ration NFSA, ha kaba ki briew ki ba ioh ia u khaw u ba 3 tyngka 1 kg, kin ioh ei ruh sa 5 kg shi khlieh briew na ka bynta u bnai Jymmang bad u bnai jylliew.
Kali taxi pat kumno um ioh kamai de..leh kumno pat leit die jhur lang bad jhur ioh ei ban die
Construction works te shah kein tangba dukan die cement,shyiap, rod,dieng,hardwares ym don . Te naei yn ioh tiar? Ki nongbylla local jong ngi kim ju sah miet ha ka jaka trei kat dang don ka lad ban poi iing khamtam haba trei hapoh shnong. Tang kibar jylla kiba iohnong na kane ka rai sorkar.