Ka sorkar, ka iarap ne em, ia ki shnong kiba pyniaid Quarantine, kylli ka MHRC

Shillong:Myn hynnin ka sngi ka Meghalaya Human Rights Commission (MHRC) ka la thoh sha u Chief Secretary (CS) ka jylla ban ai jingkhein ha kaba iadei bad ka jingeh ki dorbar shnong ban pyniaid ia ki ‘Quanrantine Centre’ hapoh ka jylla.

U khliehduh ka MHRC Shillong, U Justice T. Vaiphei, u la kyntu ia u CS ban ai jingkhein hato ki dorbar shnong ki ioh jing iarap ne em na ka sorkar ban pyniaid ia ki ‘Quanrantine Centre’. U Justice T Vaiphei, u la shim ia kane ka rai hadien bala paw haka kotkhubor ba la ong ba ki dorbar shnong kim ioh jing iarap na ka sorkar ban peit ia ki ba shah quarantine.

Na ka liang ka MHRC ka la pynpaw ba ka jing bym ioh jing iarap kiba dei peit ia kiba leh quarantine kan buh jingma haba dei bad ka jing pur biang ka jing pang ‘corona virus’ hapoh ka jylla. 
Ka MHRC ka la ai por 30 sngi ia u CS ka jylla ban phah ia ka kaiphod ha kaba iadei bad ka jing iarap ka sorkar ka ai sha kiba peit ia ki ‘quanrantine centre’ hapoh ka jylla.