Shillong,15 Jylliew: U Chief Executive Member ka KHADC u bah Pynshngaiñ N Syiem u la siew ryngkat bad ka sut ia ka T.133 klur tyngka kaba dei ka hok jong ka KHADC kaba dei ruh ka song ba ka sorkar pdeng ka la ai sngewbha ia ki lai tylli ki District Council kane ka jylla . Haduh mynta ka sorkar jylla kam pat pyllait ia ka T.133 klur ka bhah jong ka KHADC ha kaba ia dei bad kane u bah Pynshngaiñ u la ong “Ngim kwah ban shu bam ei mano re ia ka sut ha shiteng lynti, ngi kwah ba ngi dawa ba ka sorkar ka dei ban siew lang bad ka sut ruh” u la ong.
Ha kaba iadei bad ka jingpynslem ka sorkar ban pyllait ia katei ka pisa u bah Syiem u la ong “Kane ka pyni ia ka jinglong khyllung khynnah ka sorkar, ka jingleh jong ki kam dei ba ki pynjot ia ka District council hynrei ka dei ka jingpynjot ia ka roi ka par kaba dei ban poi sha ki jaka ba dei peit ka District Council” ong u bah Pynshngaiñ.U CEM u la ong ruh ba lada jia ba ka sorkar ka pyllait dier por ia katei ka pisa bad lada jia ba ka KHADC kam lah ba pyntreikam ha ka por kaba biang na ka bynta ka roi ka par u paidbah, ka sorkar ka dei ban shim ia ka jingkitkhlieh.
Phi don ban ong eiei?