Ka sorkar ka dang eksamin, ban khang noh ia ka MCCL, ong u symbud MR

Shillong:U symbud myntri rangbah u bah Sniawbhalang Dhar, ula pyntip hapoh ka ing dorbar ba ka sorkar ka dang eksamin ban khang noh ia ka kar khana Mawmluh Cherra Cement Limited ne MCCL.
Ia kane ka mat la wanrah u MLA ka Nongkrem u bah Ardent M Basaiawmoit, hapoh ka ing dorbar thawain mynta ka sngi.

U bah Sniawbhalang ula ong ba baroh ki nongtrei ka MCCL ki don 278 ngut bad ka sorkar ka dang eksamin ban thaw lad ia ki ynda ka la khang ia ka karkhana.
Ula iathuh ba kane ka karkhana, ka la sangeh ban treikam naduh u snem 2020 bad ia mynta, ka sorkar ka shu siew tulop tang shiliang shiphiah.

Ula iathuh ba ka sorkar ka la wanrah da ka Dry process ha u snem 2016 bad kala pynduh noh ia ka Wet process.
Ula ong ba ka sorkar kan iasyllok thikna shwa ia ki nongtrei, ia u Syiem, ki shnong bad u MLA, MDC ka thain shwa ban shim ia ka rai ba khadduh.