Ka sorkar Jylla, kam shym la rakhe burom Tirot Sing?

Shillong, 17 Naitung:
Mynta ka dei ka sngi shuti ia baroh ki ophis sorkar ha ka Jylla, namar ba ka dei ka lyngkhuh sngi iap ba 178 jong U Tirot Sing Syiem. Hynrei, haduh ka por ba thoh ia kane ka khubor, ym shym la don kawei ruh ka khubor sorkar, kaba pyni, ba ka don kano kano ka jingrakhe pyndon burom, da ki jingialang ne da kaba leit buh syntiew ban kynmaw burom ia U Tirot Sing Syiem.
Ka tnat pyn phriang khubor jong ka sorkar Jylla, ka Information and Public Relations, haduh mynta ka miet, kam shym la phah khubor, wat tang kawei ruh, kaba pyni, ba ka don ka jingialang ban leh burom ia U Tirot Sing Syiem bad katei ka pyni, ba kam don kano kano ruh ka jingkynmaw tympang ia utei u nongialam mynta ka sngi.Ym tang katta, na kaei kaba la ioh jingtip, la sngewthuh ba ha U Mot Tirot Sing ha State Central Library, ruh, ka sorkar Jylla, kam shym la leit buh syntiew satia, na ka bynta ban kynmaw burom ia U Khla ka Wait.