Shillong: Ka seng BJP, ha ka kyrwoh mynta ka sngi, ka kren shai ba kam shym la pan jingbit satia na ka sorkar Jylla, ban phah tohkit ha ka CBI, halor ka jing pyndonkam pisa bakla ha ki District Council bad la ong shuh shuh ba ka ka sorkar Jylla, kam dei ka bor, kaba synshar ia ki District Council, ong shuh shuh ka seng BJP bad la ong ruh ba ka sorkar Jylla, ka dei ban sngewthuh ia la ka jong ka bor. La ong ruh ba U Ma Lahkmen Rymbui, u dei ban sngewthuh ba ka jylla, kam don iktiar eiei ruh em, ban shah lane ban pyrshah halor ka jing tohkit jong ka CBI, namar ba ka dei ka pisa kaba wan na ka sorkar India. La ong shuh shuh ba ka bor trei kam jong ka GHADC, kam dei satia hapoh ka jingpeit ka sorkar Jylla.
La ong shuh ba ka Meghalaya, ka dei ka jylla, kaba trei kam ha ki bynta jong ka Sixth Schedule bad kumta ka sorkar Jylla, kam don bor eiei ruh em ban tuklar ia ka bor jong ki trai shnong ha ka Jylla, khamtam haba ka khyndew ka shyiap, kam hap satia ha ka bor jong ka sorkar Jylla bad kumta ka ain kaba iadei bad ka khyndei, ka dei ka hok jong ki trai shnong.
U Bernard N Marak, Vice President, u ong shuh shuh ba ka sorkar Jylla, kam dei ban mushlia eiei halor ka jing tohkit ban dawa CBI ha Garo District Council bad u ong shuh shuh ba ki District Council, ki dei ki Autonomous Body bad kumta, kim iasnoh satia bad ka sorkar Jylla.
Ha Garo Hills, ka don ka jingkhanglad ban sei ia ki kam bam sap bad la khang ruh ia ki nongialam BJP, ba kin sei ia kitei ki kam tuh kam thied bad la ong shuh ba kito kiba donkti ha ki kam bamsap, ki ju shim wai da ki lehnoh barim ban pyntieng koh tympan ia ki nongialam ka seng BJP, ong shuh ka kyrwoh na U Bernard N Marak, State Vice President, BJP Meghalaya.
Phi don ban ong eiei?