Ka internet mynta ka juk thymmai ka long kaba donkam haduh katta katta. Lyngba ka internet daki phew hajar ngut ki paidbah hapoh ka jylla kiba imja kpoh bad im nongsngi lyngba ka internet, namarkata lada duh noh iaka kor internet tang shi kynta ruh ka jingduh nong ka long kaba ktah haduh katta katta ia u paidbah.
Haba phai hakine ki sngi bala dep ka jingpynduh iaka internet hapoh Meghalaya ka long haduh laisien laiwat bala pynduh daka sorkar MDA, kane ka long kumba shah niew beiñ bad shah iuh roit iaka hok long briew man briew u paidbah namar lyngba ka kor internet shibun bah ki kam lah ban pyndep naduh ka pule puthi, ka khaiï pateng, ka wad kam wad jam bad kiwei kiwei kiba ym lah ban jer kyrteng, hynrei lyngba kane ka jingleh ka sorkar daki phew klur tyngba la shu pynsepei iaki pisa data pack jong ki paidbah naka jingpynduh iaka kor internet.
Halor kane, ka jingkylli ka long mano ban Bah khlieh iakato ka jingduh iaka pisa data pack jong ki paidbah bala pynsyrwa kai daka sorkar jylla?
Haka jingshisha haba don kino kino ki jingkulmar hapoh ka jylla ka sorkar kam dei ban pynduh iaka kor internet hynrei ka dei ban wad daki lad ki lynti dakaba pynbun da ki pulit ki sot haka jaka ba don jingia-kulmar, naba tang dakaba pynduh iaka kor internet da lei lei ruh ka sorkar kan nym lah ban teh lakam iaka suk ka saiñ haka jylla lymda, da kam wad da kiwei ki lad ki lynti. Halor kane ka nongrim katkum ka riti shynshar paidbah, ka sorkar ka dei ban bah khlieh ban pynphai biang iakato ka data pack sha baroh ki paidbah kiba la duh ei iaka pisa lyngba ka data pack.
Riki Mukhim
Ka Pisa da ki phew Klur la share hapdeng ki trai ka company bad kiwei de kiba don bynta ban khang