NEW DELHI: U Manish Sisodia, Deputy Chief Minister ka Delhi, ula ther tyngeh mynta ka sngi ia ka sorkar India, halor ka jing khaii dawai jongka sha ki Ri bapher, da kaba u ong ba kan jin da lah ban iada ia kiba bun bah ki mynsiem briew, lada kitei ki dawai, ki la don lypa, ha la ka jong ka Ri.
“Ka dei ka kam pyniap briew, ba shyrkhei rem, ba la leh da ka sorkar India, ha kaba ka khaii ia ki dawai sha satlak ka pyrthei, katba uba bun bah, u iap ei ha la ka jong ka Ri” ong U Sisodia, haba kren sha ki khubor, mynta ka sngi da ka jingkren online.
Da kaba sot, na ki jingthoh ha ki khubor, U Sisodia, u iathuh ba ka sorkar India, ka la khaii dawai corona sha ki 93 tylli ki ri jong ka pyrthei, kiba lah ban iada dalade ia katei ka jingpang khlam bad ki bym don jingiap jingduh satia, na ka daw jong katei ka khlam.
Kiba bun bah ki samla bad ki paidbah, ki la shu iap ei, ha kane ka kylla kaba ar jong ka khlam corona bad ki jingim jongki, yn jin da la lah ban iada, lada la ki dawai ki la don ha la ka jong ka Ri. U Sisodia, ula ong shuh shuh ba ka sorkar India, ka dei ban pynbiang pahuh sha ki jylla, ia ki dawai covid, ba kan nym don kano kano ka jing duna dawai injek bad ula pyn thikna ruh ba ka sorkar Delhi, kan injek lut ia baroh hapoh 3 bnai, lada ki dawa ki don ha kti jongka.
Jynjar ngi ba duk bym don Pisa ba extend Shi extend Ka lockdown kmno ym plan bha na bynta kiba duk khamtam ma ngi nongbylla sngi