Ka Sohra District, ka jing phohsniew U Dr Donkupar, ong U bah Titos

Shillong:U Bah TW Chyne, CEM jong ka Khasi District Council, u ba long ruh u MDC ka Sohra Constituency, u la ong ba ynda u Myntri rangbah ka jylla u Conrad K sangma un wan phai na Garo Hills, un sa leit ban bud dien halor ka jingdawa district jong ka Sohra.

Haba iakren bad u Rupang u bah Titostarwell Chyne, u iathuh ba na ka liang jong u ,ha ryngkat MLA ka Shella constituency u bah Balajied Synrem, u MDC ka Shella Constituency u bah Teinwell Dkhar kin sa leit ia kynduh ia u Myntri rangbah, yn da u la wan na Garo Hills ban iakren halor ka jingdawa district jong ka Sohra. U la ong “Ngi sngewkmen shikatdei eh ba u Myntri rangbah u la pynbna district ia ka Mairang bad ngi khmih lynti ba shen un sa pynbna lang noh ia ka Sohra”.

U Bah Chyne, u la ong ba kin buddien biang ia ka ne ka kam bad ha ka jingshisha ki la dep kynduh teng ia u Myntri rangbah, ha kaba u la kular ruh ba un sa pynbna lang ha kajuh ka por na mar ki donkam ban pynbna Sub division, Block bad district ia ki katto katne ki jaka. U la ong ruh ba ban ioh district ka Sohra, ka dei kaba la pynbeit naduh ba dang im u Dr Donkupar Roy bad la kyrmen u Myntri rangbah, un burom ia kane, namar ba ka dei ka jingphohsniew jong u Dr Donkupar Roy.