Shillong:Khnang ban pynnep shuh shuh ia ki khynnah samla pule ka jylla kiba dang pule, ym tang ha ka jabieng hynrei ban ioh ruh ia ka met ka phad kaba shait kaba khlain kumta ha ka 22 tarik u bnai Naitung 2021, u Satya Pal Malik u ba dei u Lat ka Jylla u la pynmih ia ka jingpynbna ba ki samla pule kiba dang pule ha ka kyrdan degree lane ka undergraduate course ki lah ban shim ia ka National Cadet Corps(NCC) kum kawei na ki sobjek jong ki lada ki don ka mon.
Ia kane ka jingpynbna u Satya Pal Malik u la pynbna ha ka jingialang kaba la long ha Raj Bhawan kaba don ha Shillong bad ha katei ka jingialang la don lang ruh u Major General u Ananta Bhuyan,Sena Medal u ba dei u Additional Director General jong ka National Cadet Corps(NCC) jong ka North East Directorate bad u Vice Chancellor jong ka North Eastern Hill University(NEHU), u Professor S Krishna Srivastava.
Haba ai jingkren ha katei ka sngi u Lat ka jylla u la ong ba ka long ka jingkmen kaba khraw ban pynbna ban pynrung noh ia ka NCC kum ka elective sobjek namar ma u ruh u dei uwei u na ki NCC ha ki por ba mynshwa.
Phi don ban ong eiei?