KA SNIEHDOH

Kong Linda Kongwang

KA SNIEHDOH: KA JINGAI JINGMUT BAN SUMAR HI HA IING NAKA BYNTA BAN IOH IAKA SNIEHDOH KABA PHUH BAD ITYNNAD HA KANE KA AIOM LYIUR.

Ha ka por lyiur kiba bun ki ju sngewtynnad ban leit lehkmen leh sngewbha khamtam ban leit jngi sha ki um ki wah,hynrei ka jingshit tasam haka por lyiur kalah ban ktah shibun iaka sniehdoh jongphi. Haka por lyiur kiba bun ki ju mad jingeh ha kaba iadei bad ka sniehdoh, kine ki jingeh kilah ban kynthup iaka jingdait ka sniehdoh, ki jingat kiba mih kiba rit ba rit, ka jingtyrha ka sniehdoh bad kiwei kiwei de. Kine ki jingeh haka sniehdoh kilah ban mih naka daw ka jingshit ka suinbneng bad ka jingpyllut por da ki kynta shabar nala iing. Kumba kalong haka por tlang,phi donkam ban sumar arshah iaka sniehdoh hakapor lyiur. Hynrei phimdei ban khuslai iakine baroh, kidon katto katne ki rukom sumar kiba phylla kiba phi lah ban sumar hi haiing kibalah ban iarap tem iaki jingeh haka sniehdoh.

Kine harum kilong ki katto katne ki jingai jingmut kiba suk naka bynta ban ioh iaka sniehdoh kaba phuh itynnad bad kaba koit ba khiah ha kane ka aiom lyiur.

1. U SHYNRAI BAD U BESAN:— Kine baroh ar kilong ki jingkhleh kiba ai jingmyntoi shibun iaka sniehdoh. Kine ki jingkhleh kidei kibalah ban pynkhuid iaka sniehdoh. U besan u treikam naka bynta ka jinglah ban saitkhuid bad weng noh iaki cells kiba la iap. U shynrai pat u ai jingmyntoi halor ka jingiphuh bad itynnad haka sniehdoh bad u balah ban pynduna naka jingthangiong ka sniehdoh. Philah ban khlehlang iaki dakaba shim ar shamoit u besan khlehlang shiteng shamoit u shynrai, at shamoit ka dud bad shishamoit u snepsoh niamtra bala dep tylliat bha. Ban kham pynjanai shuh shuh philah ban khlehlang ruh bad ka um tiewkulab (rose water). Hadien bala khlehlang iakine baroh philah ban tah haka durkhmat bad ieh kumba 20 minit eiei, hadien kata phi lah ban sait pynkhuid daka umpjah.
2. KA UM SOHLAKOR BAD U DIENG SANDAL (SANDAL WOOD):— U dieng sandal wood la jutip ba u treikam bha naka bynta ban pynkhuid iaka sniehdoh bad ka um sohlakor pat kalah ban weng iaka jingdon dak haka sniehdoh. Ka jingpyndonkam dakaba khlehlang iakine ka ai jingmyntoi shibun naka bynta ka koit ka khiah jong ka sniehdoh jongphi. Ban tah iakine phi donkam ban khleh shishamoit u sandal wood powder bad khyndiat ka umsohlakor. Hadien bala khleh bha phi lah ban tah haka durkhmat bad ieh kumba shiteng kynta eiei nangta sa sait khuid pat daka um.
3. U SOHKYMPHOR BAD KA NGAP:— U sohkymphor la ju tip ba u lah ban iarap pynduna ka jingpaw ki dak mong haka sniehdoh bad ka jinglong sohkhruh ka dur khmat bad u dei ruh uba wallam halor ka jingshai ka snieh doh. Ka ngap lah ju tip ba ka dei kaba iarap ha ki ba bun ki liang. Haka ba iadei bad ka sniehdoh. Ka umngap ka iarap halor ka jinglong jem ka sniehdoh. Ban khlehlang iaki phi donkam ban shim shiteng pela u sohkymphor ba lah dep tylliat pynni bha bad khleh lang shi shamoit ka um ngap. Khleh lang ia ki bad sa tah ha ka dur khmat bad ieh kumba katto katne por, hadien kata phi lah ban sait pat da ka um .

4.U sohkhia bad ka um sohjew :–Kine baroh ar ki dei sa ki wei pat ki jait jingkhleh kiba ai jingmyntoi shibun kiba phi lah ban shna hi dalade na ka bynta ban pynjah ki jingmong kiba ktah ia ka sniehdoh ha kane ka aiom slap. Baroh ngi tip ba u sohjew u dei u ba ai jingmyntoi shibun ha baroh ki liang khamtam ia ka sniehdoh. U lah ban iarap wallam ka jinglongshai bad khuid ha ka sniehdoh katba u sohkhia pat u iarap halor ka jinglong jem ka sniehdoh. Phi lah ban khleh lang u sohkhia bad u sohjew da ka ba pyndonkam ban khleh lang khyndiat ka um tiewkulab(rose water).Khleh ia kine baroh lai hajuh bad sa tah da u kynphad. Tah kumba katto katne minit bad sa sait da ka umpjah.Tah ia kine ki jingkhleh man la ka sngi na ka bynta ban ioh ka snieh doh kaba phuh bad shai .

5.KA BA LIEH JONG KA PYLLENG:–Kane ka dei ka jingsumar kaba suk tam kaba phi lah ban sumar hi ha iing kaba la ju leh naduh ki por mynshuwa ka ba iarap na ka bynta ka sniehdoh kaba long khleiñ. Haka por lyiur ka dei ka por hakaba ka sniehdoh ka ju long lati bad khleiñ. Kumta phi lah ban tah da kaba lieh jong ka pylleng ban tan ia ka umphniang kaba bun palat ha ka durkhmat. Kane ka rukom sumar ka dei ka ba bha bad kaba khlain bor kaba lah ban pynjlih bad pynitynnad ia ka sniehdoh jong phi .
Khublei.