Ka Sngi U Blei, dei ka sngi khuid ia ki riewngeit Khristan, ong ka STIEH

Shillong:Na ka liang jong ka Sain dur Tipkur Tipkha Ieng Ehrngiew Hynniewtrep, ka la thoh sha U bah Paul Lyngdoh, myntri ka tnat shang pyrthei, ban pyrshah, halor ka jingrakhe pynkut ia katei ka tamasa synrai, ha ka 19tarik Naiwieng 2023.

Ka dorkhas, ka ong, ba ka Sngi U Blei, ka dei ka sngi khuid ia ki riewngeit Khristan ha Meghalaya bad kumta, ka jingpynkut ia katei ka jingrakhe, kaba ai burom ia u dieng, ka long ka jingleh niewbein, ia ka jingngeit niam bad kaba long pyrshah ia U Blei. Kumta ka STIEH, ka pynpaw, ia ka jingpyrshah kaba jur bad dawa ban kynriah ia ka tarik jong katei ka sngi pynkut, ba kan nym ktah ia ka sngi khuid jong ki Khristan.