Ka skul ha Nongpyiur SSA, kaba khlem ding & painkhana, lap ka CCH

Shillong:Ka seng kaba la tip kum ka Concern Citizens of Hynñiewtrep, ha ka jingialam jong u bah Samkupar Tron ba dei u president jong kane ka seng, mynta ka sngi ka 14 tarik nailur 2022 sngi balang, ki la leit ban jurip, ia ki skul ban lap ba kumno la pyntrei kam ia kane ka article 21 A, ha kaba iadei bad ka free and compolsory education bad ki la ioh ban wan peit nyng kong ia ka school Nongpyiur SSA upper primary school ha kaba iadei bad ka jingduna jongki nonghikai kiba dei ban hikai hapoh jong kane ka school bad ruh ia jingbym biang ha baroh ki liang, na ka bynta ki khynnah skul.

Mynta ka sngi, na ka liang jong u Rangbah shnong u bah B. Dkhar, ba dei ruh ha kajuh ka por kum u Principal jongka Lower Primary school, ula pynpaw ba ki la ialeh katba lah ban pynioh ia ka ding ilektrik bad ruh ki jingdonkam ha kaba iadei bad ka paiñkhana, kaba ki la pan naduh mynshwa, hynrei haduh mynta ki khlem ioh bad ka dei ruh kawei na ki jingeh ba ka skul ka ia kynduh, khamtam na ka bynta jong ki khynnah skul.

Ka Headmistress kong BM Dkhar kaba la bat iaka kam mynta la 3 snem kynthih ka la pynpaw ba ka jingbym don jongki nongtrei kiba biang, ka la shem jingeh, namar kum ki nonghikai kin leh ha baroh ki liang kam dei kaba suk, namar kin hap pyndep ia ki kam bad ban pyndep ia ka jinghikai skul.Ki nonghikai jong ka Upper primary ki don tang 3 ngut bad ki nonghikai hapoh ka LP ki don 3 ngut bad ka la shem jingeh ban hikai bad ka la khia shibun ia ki nonghikai ban shim klass, namar ka jingduna ban buh ia ki nonghikai.
Ka jinghikai ia ki khynnah ka la donkam palat, na ka bynta ki computer ruh, hynrei ka jingbym don light, kumta ki shu ai tang da ka theory ia ki khynnah, tangba kin tip kaei ka computer, hynrei ban leh kum ia ka practical, kim lah satia.

Kumta na ka liang jong ka seng, ha ka jingialam jong u bah Samkupar Tron, ba dei ruh u president jong kane ka seng, ki la ong ba ka sorkar ka dei ban peitlang haba iadei bad kane ka jingeh ba ki nonghikai ki iakynduh, bad ki la pynpaw ba haduh 15 snem mynta kim shem ioh ia ka ding ilektrik bad ka jingwan jongka seng mynta ka sngi, ka long ban iarap na ka bynta bad pynpeitlang na bynta jongki, namar ki jingduna ha kane ka skul ka la bun palat bad khamtam ka jingkhuid ka jingsuba, ka long kaba duna palat haduh katta katta.