Ka skhim shimet, ha ka party:Rowel

Shillong, 27 Nailar:
Ka rukom pyntrei kam ia ka MLA skhim ka iapher na uwei u MLA na uwei pat bad kane ka long ba la sam ia kane ka skhim sorkar kaba la mang ia uwei pa uwei u MLA sha ki paidbah ka konsti twensi.
U MLA ka Maw kyrwat u Bah Rowel Lyngdoh u MLA haba iakren halor ka jingpyn treikam ia ka MLA skhim, u la ong ba bunsien ia ka skhim shimet la aiti ha ki nong ialam ka party ha ki unit ban jied ia ki briew ban ioh bynta. “Ia ki jing iarap shimet, nga ju phah ha ki unit jong ka party ha ki shnong ban jied ia ki briew kiba dei ban ioh bynta hynrei ia ki skhim paidbah, nga ai ha u Rangbah shnong bad ki nongialam ka party”, la ong u Bah Rowel.
U la ong ba kumba 40 percent ka pisa ba ka MLA skhim la pynlut ban ai jingiarap da ka tin sopiing (CGI) bad ia kiwei la ai ban shna madan, ban moramot iing baduk, ban mora mot ia ki skul bad kiwei ki jingdonkam.
“Nga pyndonkam lut ia ka MLA sha ki paidbah ka konstit wensi”, la ong u Bah Rowel.
Katkum ka paw, ka jingpyntreikam ia ka MLA skhim ka long laitlan bha bad kam biang ki kyndon ha kaba u MLA u lah ban pyndonkam na ka bynta kano kano ka jingsngew bit jongu na ka bynta ki paidbah.