Ka shnong Moopyllaitsyiar kaba don ha West Jaiñtia Hills District, kum ka Containment Area

Shillong: Namar ka jingkiew sted jong ka jingiabit jong ka khlam Covid-19, ka Sorkar jong ka Jylla Meghalaya hapoh ka jingpyntreikam ia ki bor kiba hap hapoh ka Section 2,3 bad 4 jong ka Epidemic Diseases Act, 1897 ka la wanrah ia ka Meghalaya Epidemic Disease, Covid-19 Regulations, 2020 and Amendments na ka bynta ban pynduna ia ka jingsaphriang jong ka khlam Covid-19. Hadien ba la lap ia ki briew kiba la ioh ia ka jingpang Covid-19 bad ka jingdon jong ki high risk contact ha ki bynta jong ka shnong Moopyllaitsyiar kaba don hapoh ka West Jaiñtia Hills District kumta ka donkam ban leh ia ka contact tracing, ban shong kyrpang, ban leh test, ban nym iakhleh briew bad ban long kiba peit khmih bha bad kumjuh ruh ban don Micro containment na ka bynta ban don ka jingkoit jingkhiah ban lait na ka jingiaisaphriang jong ka khlam Covid-19.

Kumta, ka donkam ban pynhap ia ka shnong Moopyllaitsyiar kaba don ha West Jaiñtia Hills District kum ka Micro containment Area kaba ban treikam noh mardor tad haduh ban da pynbna da kumwei pat:
-Yn nym shah iano iano ban rung hapoh katei ka Containment Area bad yn nym shah ia kiba shong ba sah hapoh katei ka Containment Area ba kin mih.
-Baroh ki nongshong shnong kiba don hapoh katei ka Containment Area la mana tyngeh ba ki dei ban shongkhop ha la iing la sem.
-Ym nym shah ban don ki jingialang, ki jingleh kmen jingleh sngewbha, ki jingkhawai dawai bad kiwei kiwei kiba ialum paidbah.

• La khang pyrshah ban ialum paidbah, ban pynlong jingiaseng, ban ia pynlong jingiakhaii mar mata.
  -Baroh ki dukan die jingdie kin shah khang mardor.
  -Baroh ki jaka pule puthi jong ka Sorkar bad Private kiba hap hapoh u pud u sam jong katei ka Containment Area kin hap ban ban khang tad ynda pynbna da kumwei pat.
  -Baroh ki kali kiba wan nabar jong ka Containment Area bad kiba hap ban iaid lyngba ka shnong ka thaw ki dei ban iaid beit khlem sangeh ia ka kali jong ki ha ki Containment Area.
  -Ki Incident Commander kin long ki Supervising Officer jong ki dong ki shnong kiba hap hapoh ki Containment Area
  -Kane ka hukum kan nym treikam ia ki nongtrei ka koit ka khiah, ki nongtrei jong ka ophis Deputy Commissioner West Jaiñtia Hills District, Jowai kiwei kiwei ki nongtrei bad ki staff kiba iadei bad kiba pynpoi ia ki mar kiba donkam, ki Press kiba kynthup ia ka Electronic bad ki Print Media bad ki nongtrei kiba pynpoi ia ki gas LPG.
  Lada don kano kano ka jingpynkheiñ ia kine ki hukum kin shah pynshitom katkum ka aiñ jong ka Disaster Manangement Act,2015 bad ka IPC.