Shillong: Mynta ka sngi ka 21 tarik Naiwieng ka National People’s Party 6 – Khliehriat Block Unit hapoh ka jingialang u President bah Rapbait Bareh, ha ka jingiadonlang u Secretary Mr. K. C Rymbai bad President Women’s Wing kong M. S Bareh, ki la leit ban thung sa kawei ka Unit ba thymmai kaba la jer kyrteng ka National People’s Party (NPP) Tuber Shohshrieh Circle kaba hap hapoh ka 21 – Tuber MDC Constituency ha ka jingialang ba la pynlong ha ka Shnong Mukhaialong East Jaintia Hills District.
Ha kane jingialang la jied ia bah Humphrey Dkhar kum u President, bah Thynda Dkhar Secretary bad bah Knet Phawa kum u Treasurer lem bad 40 ngut ki Executive Committee members bad la pdiang ruh ia palat 400 ngut ki dkhot ba thymmai ba wan pyniasoh sha ka Seng na baroh ki 8 shnong ki ba don hapoh ka 21 – Tuber MDC Constituency.
La pynskhem ia kine ki Nongkitkam bad dkhot ba thymmai da u President ka 6-Khliehriat Block Unit u bah Rapbait Bareh ha ryngkat ka jingdonlang u bah Helping Phawa Ex-MDC ka thain lem bad ki nongbud jong u.