Ka shimpor 3 minit, ia ki phra ngut, ba kin lute ia ka ksiar kaba 30 million

Ka shim por tang lai minit ia ki phra ngut ki riew kieng atiar, ba kin rong suk ia ka ksiar kaba shongdor haduh $30 million, na ka kad liengsuin jong ka Sao Paulo bad katei la shim, ba ka dei ka jingioh tuh kaba ar na kiba triem tam ha ka histori jong ka Brazil.

Kitei ki nonglute, ki la riam ialade kum ki Federal Police bad ki la iaid beit beit sha ka kad liengsuin ha Guarulhos, ha ka sngi palei ha kawei ka kali SUV bad kitei ki la hukum ia ki nongtrei ka kad liengsuin, ba kin thep ia ki song ksiar ha katei ka trok kaba don hajan.
La iathuh ba katei ka dei ka ksar, kaba dei ban leit sha Zurich bad sha New York. La iathuh ba kitei ki nonglute ki la ioh rah suk 720 kilograms (1,587 pounds) ki lyngkniap ksar kiba shongdor 110 million reais lane $30 million.