Ka Shibidi Kur Seminar ban iatip lang

Shillong: Ban ia tip lang ia ka tynrai long-kur-long-jait, ka Shibidi Kur kan pynlong ia ka Seminar ha ka 5tarik Risaw 2019 ha State Central Library (Arts & Culture) Shillong ha ka por 11:00 A.M.

Kane ka Kur ka pynlong ia kane ka Seminar ban iatip lang ia ki Kur kiba mih na ka Jar Ksiar jong ka Shibidi, ka Iawbei tynrai ka Kur Lamin, Diengdoh bad Laloo. Na ka Kur Lamin la mih ki iing bad ki Kpoh kum ka Lamin Amdep, Lamin Doloi, Lamin Dumai, Lamin Jat, Lamin Jui, Lamin ka lang, Lamin Ka Shnga, Lamin Ka Sah, Lamin ka Dew, Lamin ka Dang, Lamin ka Ot, Lamin ka Diat, Lamin ka Hiah, Lamin ka Luh, Lamin ka Syi, lamin Kyrnuin, Lyngdoh Nong-Lamin, Lamin Mohrmen, Lamin Mesni, Lamin Nongrim, Lamin Mar-ria, Lamin Nai, Lamin Pohlynjar, Lamin Pohduna, Lamin Pohchen, Lamin Pohsnem, Lamin Phup, Lamin Pyndang, Lamin Rhoh, Lamin Rymbui, Lamin Romiah, Lamin Wanpiat, bad kiwei. Na ka kpoh Diengdoh la mih ki iing kum ka Diengdoh Bah, Diengdoh Shngainlang, Diengdoh Kylla, Diengdoh Laitthma, Diengdoh Marngar, Diengdoh Pariong bad la bynrap ruh ia ka iing Syngngai. Na ka Kur Laloo la mih ka iing Pyrbot, Hek, Iongkjam, Nartiang, Larom, Doom bad kiwei, pynkut ka kyrwoh na U bah George Lamin.