Ka Shad Rongkusi sha Jamshedpur

Shillong: Hynnin ka sngi, ka kynhun nongshad na War Jaintia ka la mih ban leit iashim bynta ha sor Jamshedpur. Ia kane ka kynhun la leit ialam khmat da ka JSU Shillong Circle.

Kane ka kynhun ka lah leit shim bynta ban pyni paidbah ia ka shad tynrai ka thain bad ki briew jong ka War Jaintia (Amlarem Sub Division) kaba don ha West Jaintia Hill District. Kane jingshad tynrai kaba tip kum ka shad ‘Rongkusi’ ka shad wait bad mastieh bad ka shad kynthei kaba dei kawei na ki shad tynrai jong ka Bri u Hynniewtrep jong u Khasi Jaintia.Ki nongshad ha kane ka lympung ki lah pynpaw ba ki paidbah ki da i hun shisha ban iohi da la jong ki khmat ia ka shad Rongkusi bad ia ka jingphong jingdeng tynrai kaba pynpaw ba ka jaidbynriew hynniewtrep ka riewspah ha ka riam tynrai.
Ha kane ka lympung lah wan shim bynta kumba da ki spah tylli ki tribe ne ki riew lum bad jaidbynriew rit paid na kylleng ka Ri India bad kumjuh na kylleng ka pyrthei bad ia kane ka lympung lah pyniaid bad pynlong da ka TATA STEEL kum ban ailad ia ki jaidbynriew rit paid bad riewlum ban ia kynduh lang ha kawei jaka ban ia syllok bad ban pyni pyrthei ia ka shad ban riam tynrai bad kumjuh ki jingbam tynrai (Tribal cuisine).