Ka shad Behdeinkhlam ka Raij Muthlong

Shillong, 4 Nailar:
Kum ba ju long manla u snem Ka Lehniam shad Behdeinkhlam Annual Festival 2016 jong ka Raij Muthlong mynta u snem kan sdang naduh ka 6 tarik bad kut ha 7 tarik mynta u bnai (August) 2016, ka ban long ha Biar Noh rong ka Raij ha Thadmuthlong. Kane ka jinglehniam ka long hadien ba ki khun ka Raij ki la dep ban bet ia u kba u khaw jong ki haki hali ki pynthor. Ha ka sngi kut jong kane ka lehniam shad Behdeikhlam u MP ka Lok Sabha na Shillong u ma VH Pala un long u kongsan.
Kane ka lehniam ha katei ka Raij ka la sdang da ka lehniam sang sngi ‘Shain’ kaba dei ka lehniam na ka bynta ban kyrpad ia u nongbuh nongthaw ban beh ia ka pang ka shitom. Iaka jinglehniam la pyndep ha baroh saw tylli ki phang- mihngi, sepngi, shathie bad shatei. bad ka lehniam ‘Wator Symbe’ na ka bynta ban bha ban miat u kba u khaw, kan don ka lehniam kaba la tip kum ka lehniam‘Shawah–Shanein. Ha ka 6 tarik pat yn don ka shad Talawiar Shnong, katba ha ka sngi khatduh kata ha ka 7 tarik yn don ka Sang sngi Khlam ban lehniam da u Shutia ka Raij ha ka por step, katba ha ka por 1 baje janmiet yn pynpoi ia ki rot ha Biar Nohrong ban noh ia ki rong.
Ha ka jingiadei bad kane ka shad Behdeinkhla ka Raij Muthlong ba ka Raij ka khot bad wer ia baroh ki khun ka Raij napoh Ri Lum Jaintia bad nawei ba kin sakhi lang ia kane ka shad Behdeinkhlam ka Raij khnang ba kan long kaba shongshit bad shongkun. Na ka liang u Scretary ka Raij u la ong ruh ba ka Raij kam shah ia kino kino ki briew kiba na bar ne trai shnong ban die ia ki jingdie pynbuaid hapoh ka shnong ka thaw ne ban wanrah na bar, lada ka Raij kan lap ka lah ban pynshitom ia ki kat kum ka ain, ong ka kyrwoh ba la phah lyngba u bah M.Lyngdoh President bad u bah Y.Suchiang Secretary ka Sein Raij Muthlong.