Ka seng Congress, kan sa wan phai biang ha ka bor ha Delhi, ong u heh ka AICC

Shillong: U Secretary ka All India Congress Committee (AICC) ba khmih ia ka party ha Meghalaya, u Dr A Challakumar u la kob ba ka seng Congress kan sa wanphai biang ha ka bor ha Delhi bad kumjuh ha Meghalaya, bad kynthoh ruh ba kito kiba ong ba ka seng Congress kadei ka lieng kaba la ngam kita ki ban wan ban ïeng lain ban rung sha ka party, da kaba ong ba u nud ban kob syndon ia kane da ka jingthoh.

Ha kaba iadei bad ka jingmih khubor ba ki don ki nongialam barim ka seng Congress kiba kwah ban wanphai biang sha ka party, na ka liang u Challakumar u la ong ba ia kito ki briew ki don kiba hap iaid lyngba ia kiba um lah ban kren mynta, namar ki don napdeng kiba la mih kidei kiba la tynrah ia ka seng na lyndet.
U la ong ba na ka bynta kito kiba shaniah ha ka sainpyrkhat jong ka seng Congress ia kita ka seng ka kloi ban pdiang, bad na ka bynta kito kiba shu kwah myntoi ne khmih lynti eiei na ka party, ka long kaba eh ban pynurlong ia ki jingkwah jong ki.

Haba kylli halor ka jingsngewskhem jong ka party ban jop biang ha ka election MP ka ban sa long mynta u snem, u nongialam ka AICC u la ong ba u don ka jingkyrmen kaba skhem ba ka party kan jop ha baroh ar tylli ki MP constituency, namar u MP ba mynta na Shillong u la leh shibun kiei kiei na ka bynta ban kyntiew ia thain, kumjuh ka seng Congress ka la wanrah shibun ki kam pynroi ha kane ka Jylla.