Ka Seminar pynneh mariang

Shillong, 3 Jylliew:
Ka seng ieng Ra song Sports Social & Cultural Club ryngkat ka jingiatreilang bad ka Soil & Water Conservation Department Sohra bad ka CMYDS shillong ka la pynlong ia ka seminar halor kaphang ban pynneh pynsah ia ki kynja ba im hapoh ka Dorbar shnong Umdiengpoh. Ha katei ka sngi uPaiem F. Syiem ka Hima Sohra I ba long I kongsan ha kane ka sngi, ha ka jingkren ka jong i, i la iathuh ba I ju leit ban iakynduh ia ki department bapher bapher jong ka Sohra Jylla na ka bynta ban pyn ioh ia ka skhim na ka bynta ki khynnah samla sha ka thain nongkyndong.
Ia katei ka prokram la pyniaid bad plie da u Bah AP. Dohling I ba dei I sordar shnong Umdiengpoh bad la ioh ka jingkren na I kong M. Ryntathiang u ba dei nongmihkhmat na ka Grass Root (NGO) shillong, I kong I la ban halor ka phang ban seng kam seng jam lajong, ba ym dei ban shu ap tang ka kam sorkar hynrei dei ban trei shitom ha la ki kam kum ka rep ka riang.
Ha shuwa ban pynkut noh ia katei ka prokram u Bah HS. War u Chief Organiser jong ka seng u la ong ba bun ki bank bad ki tnat sorkar ki ba lah ban iarap ha ka ban ai kam ai jam ia ki khynnah samla ba ki lah ban ieng ban trei ha la ki jong ki kjat .
Kane ka long katkum ka kyrwoh khubor ba la pyllait da u Bah D. Nongbri General Secretary jong ka seng.