Shillong: Ka Seiñ kur Shadap manar East Jaintia Hills Narwan unit , kan pyllong iaka General meeting jong ka, ha ka 05-10-2019 por 10:AM, ha Community Hall (ing Dorbar ) Narwan Neiñshnong, east jaintia hills, na ka bynta ban ia phylliew jingmut haka jingiadei bad ki kam jong ka Kur khamtam haka jingiadei naka bynta ban shna ia u Statue jong ka Syiem Latympang Shadap Manar ha lumtiniang park (Mawtyrshiah).
Kum shi bynta ban pynsahnam ia ka jingshlur bad jingstad jong ka ban ialam iaki them ki raiot jong ka Hima manar ha ki por ba mynshwa khnang baki pateng ki ban sawan kin tip ia ka jingshlur bad jingstad jong ka ban ialam iaki them ki raiot jong ka Hima haki por ba mynshwa khnang baki pateng ki ban sawan kin tip iaka jingshlur bad jingkhraw jong ka, kum ka nongialam.
Nalor kata, ha katei ka general meeting ka Seiñ Kur Shadap manar,kan sa ia kren ruh ia shibun ki mat kiba iadei naka bynta ka bha ka miat bad ka roi ka par jong ka Kur Shadap manar, kaba hap hapoh ka jingkdup jong ka Seiñ kur Shadap manar East Jaintia Hills Narwan unit.
Ha katei ka jingialang yn don lang ruh ki nongialam ba ha khmat jong ka Seiñ Kur Shadap manar East Jaintia Hills Narwan unit. Kumta ka Seiñ Kur Shadap manar East Jaintia Hills Narwan unit, ka khot lang ia baroh ki Kur Shadap manar kiba hap hapoh ka Seiñ Kur Shadap manar East Jaintia Hills Narwan unit ba kin iawan khlem pep sha katei ka general meeting jong ka Seng, khnang baka jingialang bad ki kam ki ban sa ia kren kin long kiba iaid beit iaid ryntih bad ruh kaba phuh ba phieng naka bynta ka jingmyntoi bad khamtam ngin lah ban pynurlong ia kane ka jingthaw naka bynta ki kam ba khraw jong ka Syiem Latympang khnang ba kan nym jah naka history jong ka jingshlur jong ka, ong ka kyrwoh ba la pyllait da u bah Kartic Shadap manar.
La tip ba ka Hima Manar ( ha War Jaintia ) ka la don mynshwa, hynrei mynta ka kala duh ne jah noh, ym tip na ka ei ka daw. Nga tharai kiba na kita ki Manar mynshwa ki la poi sha Jirang. Ka jingiadei bad ki rukom ba ia syriem ki nong Jirang thik kum ki War Jaintia yn sa ia peit namar ka long ka ba Jrong. Hangne nga ai ka commence ba ki nong Jirang ki dei ki Manar ba wan na Jaintia . Ka lah ban long namar ka Jingshah jop thma ki sa wan poi sha Bhoi ha khap pud Assam ba kim don bor ban tur bad ialeh ia ki Ahom ne Asom ne Assamese. Ki sah kut noh hang to.
Kane ka long ka jingsdang jong ka jingwad jingtip khnang ban ioh ia ka jingjia ba shisha kaba donkam. KHUBLEI
Ha ki por ba mynshwa ka la don ka jingialeh thma jong ki Syiem Jaintia para ma ki ha kaba kiba jop ki ioh knieh bad synshar bad kiba rem ki iehnoh bad phet noh sha wei. Kaba kum kata ka la jia ha kaba shisien U Syiem Shangpung u la jop ia ka Syiem Manar. Ka Syiem Manar ka la hap iehnoh bad phet sha lum khasi ha u Syiem Shyllong. Nangne na ri lum khasi Ka Syiem Manar ka la hiar ban phet sha duh U Syiem Nongkhlaw. Na Nongkhlaw ka Syiem lem bad u paid ki la hiar bad ki la poi sha Nongrngoi, hangne ki la sah shipor Hadien katto katne por ka Syiem lem bad u paid nongbud ki la leit ban hiar shuh shuh sharum shaduh sha Thor Assam. Hynrei ki don katto katne na ki Manar kiba ym treh shuh ban bud ia ka Syiem, kine ki la sah duh noh ha Nongrngoi. Naduh kata ka por ia ka Nongrngoi la khot ka Ladpnar. Kine ki Manar kiba la bud ia ka Syiem haduh ha Thor Assam ki la poi ban shong ha Mirza bad kito ki jaka them ka Assam. La bna ka nam Syiem kynthei ha ki Shnong dkhar baroh bad da ka ktien jong ki ki khot ka Rani. Hynrei namar kito ki jaka ha Thor Assam ki long kiba ia Jan bad ka Thor bah, bad ki briew ruh ki long ia dei bad ki para dkhar ba iapher na ki khasi, ka la don ka jingia sngew pher bad ka jingia bymiadei ha duh ba la mih ka jingialeh thma. Kine ki briew na Assam ki long kiba heh ba Jrong bad ba khlain kumta ka Syiem Manar bad u paidialeh ki lahap ran dien bad ki lapoi shong Shnong noh ha Nongrim. Nangne na Nongrim ka Syiem Manar bad u paid ki la kiew lum bad ki la poi ban shong haneng u lum ba Jrong ba ki khot u lum Tepkilabama bad ia kata ka Shnong jong ki la khot ka Manar. Ynda la iap ka Syiem shibun ki la mih ban phet Shnong bad ban thung Syiem thymmai kine ki la iaid lyngba ka khlaw bad kila poi sha ka wah ka ba heh, hangta ki la shong ki la sah duh bad la khot ia ka ta ka Shnong ka Nongwah. Kine ki Nongwah kila jied bad ki la thung la u Syiem uba synshar ha lor jong ki. Une u Syiem Nongwah namar ba jngai bad ba long khlaw palat u la buh Sirdar ban peit bad bishar ia ka Shnong Manar.
Ha ka wei ka sngi la wan poi uwei u briew uba heh ba Jrong bad ba lieh ha Shnong Manar une ubriew ba lieh ula kren u ong ” Hi !! what are you doing, ? Ok, what village is this ? Katto katne ngut ki ba don hangta kiba dangiadih shlim ki pyrkhat ba u kylli iata ka shlim ‘kaei kato ?’ Kim sngewthuh ia ka ktien phareng, ki la shu sngap, u don tang uwei uba kham leh shlur u jubab ‘cia- rang” une u phareng u la sei u khulom bad u la thoh ia ka kyrteng jong kata ka Shnong “Jirang” . Lyngba ki snem kiba bun kiba la iaid ka Hima Nongwah ka la duh noh, bad ka Hima Jirang ka dangneh ha duh mynta.
Ki briew ki ba shong ha poh Hima Jirang ki dei ki Manar, Ia kane ka ktien Manar la pynkylla hadien da ka ‘Mynnar’ ka ba mut, ka Jirang ka dei ka Hima ne ka Shnong bad ia ki briew kiba shong ha Jirang la khot ki ‘Mynnar’. Ka ktien ba ki Mynnar ki kren ka ia dei bad ka ktien jong ki nong lamin, ki nong Nongtalang, ki nong syndai, ki nong Lakadong, ki nong Amwi, bad ki nong Sohkha bad kiwei kiwei kiba don ha ka thain jong ka Hima Manar mynshwa ha Jaintia, kaba lehse mynta ka don tang ki dak ki shin bad ka dien Shnong ba la rim.
La pynkut shwa tang katne.
Sngew suk ki Khanna Jong phi lada phi lah ban ai bad ki por kan Kham sngew tynnad shuh shuh
Page -1 KA FINAL COMMENT SHAPHANG KI MNAR HA JIRANG.
1. KA TYNRAI KI MNAR
La don kawei ka Hima ha war jaintia kaba ki khot ka Hima Manar.La synshar ia kane ka hima manar da kawei ka Syiem kynthei kaba kyrteng ka Latympang. Ia kane ka Syiem Latympang Jong ka hima manar, la wan ialeh thma da u syiem ka Hima Shangpung. Khlem da iathuh bniah ia ka thma, ka history Jong ka thain War jaintia, ka iathuh ba u Syiem ka Hima Shangpung u la jop bad ka Syiem Latympang Jong ka hima manar ka la rem bad haba ka la rem, ka Syiem ryngkat bad u paid ka hima manar ki la mih bad ki la phet noh. Ha ka jingphet Jong ki, ki la poi sha u Syiem ka Hima Shyllong ha lum khasi.
Page-2 U Syiem ka Hima Shyllong u tip ba kine kiba wan poi wir ki dei ki briew na war jaintia, u tip ruh ba ki dei ki synteng kiba khot ia lade ki Pnar. Ha kata ka por u Syiem Shyllong um shym la shah ia kine ki pnar ne ki manar ba kin shong kin sah ha ka hima Jong u. Kumta ka Syiem Latympang bad kine ki paidbah manar ba la tip kum ki Pnar ki la phet na hima shyllong bad ki la hiar ia ki lum haduh ba ki la poi sha hima Nongkhlaw.Ynda ki la poi ha Hima Nongkhlaw, u Syiem ka Hima Nongkhlaw ruh u tip ba kine ki wan phet sha hima Jong u ki dei ki Pnar Jong ka hima Manar kiba na war jaintia, ba la tip kum ki Manar. U Syiem ka Hima Nongkhlaw ruh um shym la shah ia kine ki Manar ba kin shong kin sah ha ka hima Jong u. Kumta kine ki Manar lem bad ka Syiem Jong ki, ki la hiar ia ki lum haduh ba ki la poi ha Nongrngoi. Hangne ha Nongrngoi ki la sah shi por. Dei namar ka jingdon kine ki Pnar ne ki Manar mynshwa ki sa khot ia ka Nongrngoi Ka Lad Pnar haduh mynta. Ka Syiem lem bad ki paidbah Manar ki la mih bad phet biang ban hiar ia ki lum haduh ba ki la poi bad shong Shnong ha Kudam (Godown). Kane ka Kudam ka dei ka Shnong kaba don ha Asom. Sawdong Kane ka Kudam ha Asom ki don ki briew ba kham heh kham jrong ba la tip kum ki Ahom. Kine ki Ahom ki long ki briew ba pher ka riam ka beit, kiba pher ka jinglong ka jingim bad kiba pher ka ktien ba kren. Kine ki Ahom ia u Syiem shynrang da ka ktien Jong ki, ki ong, u Raja, bad ia ka Syiem kynthei da ka ktien Jong ki, ki ki ong, Ka Rani. Kumta ha ba kine ki Ahom ki tip ba la don ka Syiem kynthei ha Kudam, ki khot noh ia ka Kudam da ka kyrteng Rani Kudam.
Page-3 Ki Manar lem bad ka Syiem Jong ki, ki Shem ba ka rukom im bad ka rukom shong rukom sah bad kine ki Ahom kiba don sawdong Jong ki kam ia dei satia, ki la sdang ban phet na Rani Kudam da kaba kiew ia ki lum haduh ba ki la poi ban shong Shnong ha Nohrem (Nongrim). Hangne ha Nohrem ruh kim shym la sah duh. Ki paidbah Manar lem bad ka Syiem Jong ki, ki la nang kiew sha neng lum haduh ba ki la poi ha trai u lum ba jrong ba ki khot u lum Tepkilabama. Hangne ha trai u lum Tepkilabama kine ki Manar ki la shong Shnong bad ia kane ka Shnong la khot ka Shnong Manar, ia kaba hadien la khot ka Shnong Mnar.
page-4 Khlem da tip shuh ia ka snem, la jia ba u wei u briew ba heh ba jrong bad ba lieh u la wan poi sha ka Shnong Mnar. Une u briew ba lieh ba jrong u la kren ia ki katto katne ngut ki briew Jong ka Shnong Mnar ba u ia kynduh, u ong, Hi, How are You ? What Village is This ? Kine ki Mnar kiba dang ia dih Duma da ka kynja shlim ba ki Mnar ki khot Ka CIA RANG, kim sngewthuh ia ka jingkren uta u briew ba lieh da ka ktien Phareng, baroh ki la shu ia sngap bad ki la pyrkhat ba u kylli ia ka ta ka Cia rang. Don tang uwei uba kham shlur bad ba nud ban kren u ong, CIA RANG, uta u briew ba lieh uba dei u phareng u la sei u chalk bad u la thoh JIRANG. Naduh kata ka por la mih ka ktien ba khot Jirang ia ka Shnong Mnar ha ki kot ki sla haduh mynta.(Khyndiat ka jingpynshai ka long ba ia ka Shnong ne ka jaka la tip da ka kyrteng JIRANG, kaba ia ki briew ne ki Nongjirang la tip kum ki Mnar)
Page-5 Kita ki Manar ne ki Mnar mynshwa kim shym la shong duh hangne ha trai u lum Tepkilabama ne ha JIRANG, ( kumba la buh kyrteng u phareng mynshwa) hynrei ki la leit bad phet shuh shuh sha khmat shaduh sha ka jaka ba don ka Wah. Hangne ha jaka ba don ka Wah ki shong ki sah duh bad la ka Syiem kaba la ialam ia ki naduh Manar shaduh Shyllong bad shaduh Nongkhlaw bad shaduh Nongrngoi (Lad Pnar ) bad shaduh Rani (Assam) bad shaduh Nohrem (Nongrim ) bad shaduh Mnar ne JIRANG bad nangne ki la nang leit bad ki shongduh noh sha Wah.Hangne ha Wah ki buh bad seng pynskhem ia la ka hima ba la tip kum ka hima Nongwah bad la khot ia ki haduh mynta Ki Nongwah.
Page-6 KA JINGLONG SYIEM HA JIRANG
Ym don jingtip shuh ia ki snem bad ia ki kyrteng Jong ki Syiem ba synshar ia ka hima Nongwah. Ka jingtip ba la ioh lum ka long ba u Syiem ba synshar ia ka hima Nongwah, kaba kynthup ia ka
jaka naduh Rani haduh ha Jirang u Shem shitom ban leit peit ban leit jngoh ia ka Shnong Jirang kumta u la pynlong ia ka Jirang kum ka Sirdarship kaba synshar da u Sirdar.
Page-7 Ym ioh jingtip shuh katno ngut ki Syiem ba la synshar ia ka hima Nongwah bad katno ngut ruh ki Sirdar ba la synshar ia ka Jirang Sirdarship. Hynrei ka jingtip ba la ioh lum ka long :
Page-8 Ha u snem 1899 u wei na ki Sirdar ba la synshar ia ka Jirang sirdarship u dei u Muitlieh Sirdar. Ha Kane ka por jong u Muitlieh Sirdar la don ka jingwan poi bad ka jingioh synshar da ki phareng ia ki lum khasi.
Hadien 23 snem, kata naduh 1899 haduh ka snem 1922 ia ka Jirangsirdarship la synshar da u Ronsing Sirdar. Ha kane ka por jong u Ronsing Sirdar ki phareng ki la ioh ia ka bor ban synshar bad ki la sdang ban leh donbor haduh ba ki khasi ki la shah lehbein ha ki dohlieh.
Page-9 U Ronsing Sirdar u la ju leit sha Sohra. Ka Sohra ka dei ka jaka sah Jong ki phareng. U Ronsing Sirdar haba u la poi bad u la ia kynduh ia ki phareng u la ia kren shaphang ka jingdonkam ba ia ka Jirang Sirdarship dei ban pynkylla sha ka Jirang Syiemship. Kane ka jingthmu Jong u Ronsing Ka la long kaba jop. Khlem da tip ia ka snem, ka la jia ba naduh kata ka por jong u Ronsing ia ka Jirang sirdarship la pynkylla sha ka Jirang Syiemship, bad u Ronsing Sirdar Jong ka Jirang sirdarship u la long noh u Syiem Jong ka Jirang Syiemship.
Khlem da tip ia ka daw bad ia ka jingjia, ka Hima Nongwah ka la duh noh.
Hadien 25 snem, ba U Ronsing u la ioh ban synshar ia ka Hima Jirang, kata, naduh ka snem 1922 haduh ka snem 1947. U Ronsing Syiem u la iap noh.
Page-10 Hadien ba la iap u Ronsing Syiem ha ka snem 1947, la thung ia u Siren kum u syiem Jong ka Hima Jirang. Ha kane ka por jong u Siren Syiem, ka Ri India ka don ha ka jingialeh laitluid na ka jingsynshar Jong ki phareng. Kane ka por jong u Siren Syiem ka long ruh ka por ba ka Ri India ka la ioh ia la ka jinglait luid. Hadien ba la ioh ia ka jing laitluid bad ba la ioh ia ka jingsynshar la Jong, ka Ri India ka la kynthup ia ka North East baroh ka wei. Ha kata ka por ki jait bynriew baroh Jong ka North East ki don hapoh ka jingsynshar Jong ka Frontier of Assam. Ka Jylla Assam kaba don hapoh ka bor synshar Jong ka Frontier of Assam ka kynthup ia ki Assamese, ki Boro bad ki Rabha. Ka bor synshar Jong ka Assam ka kynthup ruh ia ki Naga, ki Mizo, ki Manipuri, ki jait bynriew ba bun Jong ka bynta ba shatei ka Assam, ki khasi bad jaintia, ki Garo bad ki Karbi baroh ki don hapoh ka Jylla Assam. La jia ba naduh ka snem 1960 ter ter ki riew lum ki la dawa ban ioh ia la ki Hils States. Khlem da bniah ia ka jingioh ki Mizo ia la ka Mizoram, ki Naga ia la ka Nagaland, ki Manipuri ia la ka Manipur bad ki jait bynriew ba bun Jong ka bynta ba shatei ka Assam ia la ka Arunachal Pradesh. hangne la kham thoh ia ka jingioh ki khasi bad jaintia, ki Garo bad ki Karbi ia la ka State Meghalaya ba la wan ai ne plie da ka Prime Minister Smt. Indira Gandhi. Hynrei ki Karbi ki la sangeh ka jingiakhih ki la pynlong ialade ban dangsah ha poh Assam haduh mynta.
Page-11 Hadien ba la ioh ia la ka State Meghalaya, ha lum khasi la don ka jingdawa bad ka jingiapyrshah ban pdiang ia ka Autonomous District Council. U Syiem Siren Jong ka Hima Jirang u dei uba pyrshah ia ka jingdon ka District Council ha Ri khasi. Kane ka jingiapyrshah ia ka District Council ka la poi sha duh u pud ba u Syiem Siren ka Hima Jirang u la iap noh ha ka snem 1954.
Haba u Syiem Siren u la iap noh, la thung ia u Lokendro kum u Syiem Jong ka Hima Jirang. Une u Syiem Lokendro ka Hima Jirang u la synshar kumba 50 snem ia ka Hima Jirang, kata, ka long naduh 1954 haduh 2004.
Hadien ba la iap u Syiem Lokendro la thung ia u Hambarly Wahlang kum u Syiem Jong ka Hima Jirang. Une u Syiem u la synshar kumba 21 snem ia ka Hima Jirang haduh mynta mynne ba thoh ia kane ka Jingthoh (Comment )