Ka rynsan ia thir jingmut, halor ka Um ha NEHU

Shillong,23 Lber:
Ka Meghalaya Water Foundation (MWF) ka la pynlong ia ka jingiathir jingmut halor ka um bad ki tyllong um ha Shillong bad ha ki thian shatei Lam mihngi, la pynlong ia katei ka prokram ha ryngkat ka jingiatreilang ruh bad ka sorkar Meghalaya, ka India Water Foundation (IWF), GIZ Climate Change Adaptation for North Eaast Region, Meghalaya Water Resources Development Agency bad Meghalaya Basin development Authority. La pynlong ia katei ka rynsan ia pyni nia ha Convention Centre, NE HU, Shillong.
Ha katei ka jingiathir jingmut la ia don ryngkat u Dr. KK Paul, u lat ka jylla, u Phrang Roy, Chairman, Meghalaya Water Foundation, u Mihir Shah, u dkhot ka Planning Commission ka India, U B Warjri, Chief Secretary , Meghalaya bad u Prof. P Shukla, Vice Chancellor, NEHU, u D. Molden, Director ICIMOD bad u RM Mishra, Principal Secretary sha ka sorkar jylla.
Namar ka jingkylla ka suinbneng na ka por sha ka por sha ka por, ki stad kia iohi jngai ki la iohi ba ka kan don ka jingkyrduh um kaba khraw ha kane ka jylla, namar ba kumba ka long mynta dei tang ka Mawphlang ka tyllong kaba ai um sha kyleng ka nongbah Shillong. Ha ka jingiapyni nia ki la sngewdei ban shim ki lad ki lynti ban iada ia ka Mawphlang na ki jngshah pynjoto kum ki jingkhlong maw bad kiwei.
La ioh sngew ha katei ka jingiatai na kiba bun ki nongkren kiba la ai la ki jong ki jong ki jingmut jong ki, u Roy Chairman ka MFW u la ong ba ba ka MFW ka long tang kum ka jingkieng ka ban pyniasoh ban pynsngewthuh sha ki paidbah bad ka bor hi ka shong ha ki kumno kin pyrkhat ban tyngkai bad ban iada na ki ingshah pynjot ki tyllong um, u la ong ruh ba donkam ban pynlong da kiwei pat ki rynsan bapher bapher ban ai jingmut halor ka jingpyntreikam ia ka buit ban tyngkai um. U nongkren ba bud u dei u Vice Chanchellor ka NEHU , u la pynsngew ia ka jingkyrduh kaba ha NEHU kaba la wanrah jingeh ia ki samla pule. La ioh ruh ki jingpyni jingmut na u Shri Mihir Shah, u dkhot ka Planning Commission ka sorkar India.
U lat ka jylla u Dr.KK Paul haba ai jingkren u la ai khublei ia ka MWF, namar ka jinglah jong ka ban pynlong ia katei ka rynsan, ha ki jingkren ba lyngkot u la ong ba ka um ka dei ka jingdonkam kaba khraw tam ha ka jingim briew, u la ong b aka dei ka por ban thaw ia ki lad ki lynti ban iada kyrpang ia ki tyllong um, u la ai nuksa ia ka Fatepur Sikri, ka nongbah U Akbar kaba la mad ia ka jingkyrduh um. U la ong ba ka long kaba donkam ban pynkylla biang ia ki um ba la dep pyndonkam kum kiba lah ban pyndonkam biang. La ioh ki jingkren ai khublei na u bah B. Warjri , Chief Secretery ka Jylla.