Jowai: Khnang ba ki paidbah nongshong shnong jong ka Dorbar Chnong Khimusniang kin ïoh sngew da la ki jong ki shkor ïa kaei ka nongrim ba ki kyrtong MDC jong ka 19 Jowai South Constituency ki ieng ban pynsngew paidbah, kumta ka shnong da kawei ka sur hadien ka jingïakren sani bha ia kane ka phang ka la rai ban pynlong da ka jingïalang Common Platform kaba tang shisngi kata ha ka 21 tarik u Rymphang, 2019 ha Indoor Sports Hall ka Dorbar Chnong Khimusniang Jowai ha ka por 6 baje janmiet.
U Waheh Chnong ma T.S. Bamon u ïathuh ba ka jingpynlong ïa kane ka Common Platform kan ïarap shibun eh ïa ki nongshong shnong ban lait na ki jingthut ha ka pule ka puthi jong ki khynnah skul kiba don ha ki Examination kiba pher bapher, kiba pang ba shitom, kiba ?a kynduh ha ki jingjia ba sngewsih bad kiwei kiwei de ki jingeh. Kane ka jingpynbeit kam dei tang ?a ka jingmyntoi jong ka Shnong, hynrei ka long ruh ka jingmyntoi ?a ki candidates ha kiba bun ki bynta, kum ha ka jinglut jingsep bad kan ?arap ruh ?a ki ba kin ?oh kam bun ka por ban pynsngew ïala ka nongrim ba kin ieng ïakhun ha kane ka election MDC, ha kane ka sngi yn shah ban kren tang ?a u Candidate na kawei kawei ka party la ong u ma Bamon.
Kumba la dep rai naduh ki snem ba mynshuwa ka Dorbar Chnong Khimusniang, Jowai kan ym shah ïa ki candidate ban ïalam ïa ki paitbah nabar bad yn shah tang shiphew (10 ngut) ki briew kiba nabar bad 4 tylli ki kali ban rung shapoh ka shnong. La ïathuh ruh ba ym shah satia ïa u/ka nongkren (Canvasser) ban ïabeiñ ïa kynnoh ïa kiwei pat, hynrei ki dei ban kren beit ïa ka nongrim ba ki ïeng ïaleh. Ha kaba ïadei bad kane ka shnong ka buh ka jingkyrpad ïa baroh ki Candidates ba kin shim ïa kane ka rai jong ka Dorbar Shnong khnang ba kane ka kam kan long kaba ïaid beit ïaid ryntih.
Phi don ban ong eiei?