Ka rynsan ba 11, ki sapksiar ha Diengkynthong

Shillong, 22 lyngkot:
Ka Dong Dieng-kynthong Laitryngew ryngkat ka jingiatrei lang bad ka Seng Samla ka la pynlong ia ‘Ka rynsan ki Sapksiar kaba 11’ naduh ka 6 tarik haduh ka 16 tarik u Kyllalyngkot 2017 ha kaba la don ki jingialehkai bapher bapher kum ka phawar, rwai, pyni riam, drama, shad bad kiwei kiwei ki jingialehkai ba kyrpang bad ba shongshit. La pynlong ruh ia ka jingiakop ‘Mahadei ia ki longkmie bad Patsha ia ki longkpa ha kaba ia ka nam lahduh jong ka Mahadei 2017 la rah da I kong Bitalian Nongrum, ba ar I kong Venicia Nongrum bad ba lai I kong Magdalin Tham bad ia U Patsha 2017 la rah ia ka nam lahduh da U bah Arborlang Dohling, ba ar U bah Synsharlang Nongrum bad balai U bah kyntiewboklang Nongrum. Ka la don ruh ka jingiakop Naikhatsawsynnia 2017, ha kaba la rah da u samla Erlanstar Synrem ba bud u samla Reebok Khongrymmai bad u samla Kitborlang Tham bad ia ‘Ka Pahsyntiew 2017’ la rah ia ka nam lahduh da ka samla Dolly Grace Lyngskor, bad kiba bud ka samla Iadalin Nongrum bad ka samla Banrimon Mawniuh.
Ha ka sngi kut ka jingshongshit shuh shuh ia kane ka taiew lehkmen da ki jingrwai biria ba sngewtynnat bad ba kit jingmut jong uwei u kaitor bapawnam jong ki ri khasi, u Samla Banker Kharkongngor. La wan ban sam ia ki khunsnam da u MLA Sohra Constituency bah T.W Chyne ha kaba ka jingkren jong u kum u kongsan ula iaroh ia ka dong ba ka la nangkiew ha baroh ki liang kat nang iaid ki por.
U la kular ruh ba un nang iai theh ia ki song jingiarap man la ka snem na ka bynta ka jingdonkam ka dong, ong ka kyrwoh khubor ba la phah da u sport Secretary Samla Ferland Swer.