Shillong:Ka jingthmu jong ka Sorkar ban pyntreikam noh ïa ka Cable Car ne ka ropeway na Lawsohtun sha Shillong ha ka jinglut kaba T. 150 klur kan sa treikam noh hadien ka jingïakynduh jong u Myntri ka tnat jngoh kai pyrthei u Bah Paul Lyngdoh bad ki Myntri ka sorkar hapoh ri Switzerland kaba la long dang shen.
Ïa kane la ïathuh da u Bah Paul Lyngdoh haba ïakren bad ki lad pathai khubor ha ka Sngi nyngkong ha kaba u la pynshai ruh ba ka jingjah jong u na jylla ha ka por ba ïakhih Reservation Policy kam dei kaba u la leh khnang hynrei namar jong ki kam ka tnat kaba dei ruh ka jingai lad jong ka Ministry of External affairs ka ri ban leit wad jingtip ha kaba ïadei bad ka jingpyntreikam ïa ki rope way.
“Ha ka jingleit sha Switzerland la ïohi ïa ka jingpyndonkam ïa ki tiar ki tar kiba donkam bha kumta ha kaba ïadei bad kane ha Shillong ruh ngi dei ban pyndonkam da ki technology kiba bha ha kaba ïadei bad ki rope way kiba la bei tyngka da ka Asian Development Bank bad kane ka cable car kan long kaba heh bha ha ka thaiñ NE namar ki briew ki lah ban shong haduh 600 ngut ha ka shi kynta bad lada 10 kynta kin don 6000 ngut ki ban shong ha ka sngi kan kyntiew ïa ka ïoh ka kot ka jylla bad kane kan ïarap ïa ka tulop ki nongtrei,” ong u Bah Paul.
Haba ïadei bad ka jingkynthoh ki briew ba um shym la donlang ha ka jingïakhih Reservation Policy, u Bah Paul u la ong, “Hato ka long kaba lah ban pynsangeh noh ne wanphai noh haba don kane ka jingïakhih namar nga leit na ka bynta ki kam jong ka Sorkar.”
“20 snem mynshwa ki briew ki dang buh sah ïa ki video jong nga hynrei ym ki video jong u Bah Ardent Miller Basaïawmoit. Haba phi la jied ïa nga kum u MLA ngan pyndep ïa la ki kamram bad ngam sngewthuh ba balei hap ban lum ban lang ïa u paidbah tang hapdeng 3 bnai ba la jop MLA katba ha ka por ba long Myntri Rangbah u Dr. Mukul Sangma ym leh eiei,” u la ong.
Ha kaba ïadei bad ka RP na ka liang u Bah Lyngdoh u la ong ba lada kyntiew sha ka 70% ruh kiba ñiah taxi kim pat lah ban ïohkam Sorkar, kumta ha kaba ïadei bad ka RP ka jingïatai kan hap long kaba jrong.
“Ha ka synshar khadar ym lah ban ong mano ba long nongïalam bad ka suk ka bha ban pyrto hynrei ka eh pat ban leh ïa ka kam. Haba don ki kam kiba ai jingmyntoi ïa ngi ym donkam ban kyrkiw kyrkaw palat namar ka la nang pynkulmar shuh shuh ïa kiwei ki jaitbynriew kiba mynta ki la dawa bhah lang,” u la ong.
U la pynkynmaw ba ha ka por jong u Dr Mukul u la wanrah ïa ka kam bam ar maloi ne ka Dual Postm hynrei mano ba iehnoh kam MDC nyngkong eh, kumta dei ban ai burom ïa kiba dei ban ai burom.
ka dy kata jingong bah paul, kine ki ba kyrshan prah bun kiba shit khlieh kim sngewthuh iakaei2 tng shu kum ong ei2 ia ardent ki kiew ka jingshit ha jabieng nga ruh nga kyrshan iaka rp (ardent hakane ka kynti naka jingbha iangi hi hynr um ban shu shit jabieng kum kito ki ba shu wiar ktba ia kren shaphng u ardent, kim phai shuh iakipor balah dep ba lah leh u ardent ki pt tng iaka ba mynta hynr iakiwei watki bymdon daw ei2 ruh ki wad daw, bly u ardent u dawa rp tng mynta hato kam dy ka ishu election mdc ruh khnangban ngop ki paitbah, hynr dakam dy kmta bly u mih tng mynta u jah shaei hakipor ba lah dep bly u khlem shah tngan hakito ki por ba lah lt