Ka ripod bamsap sha u Lat, Congress Mawlai

Shillong, 24 Risaw:
Ka Mawlai Block Congress Committee (MBCC) ka kyrpad ia u Lat ka jylla Meghalaya ba un peit lem ia ka jinglong jingman jong ka Khasi Hills Autonomous District Council kaba la duh ei T.2 klur tyngka na ka kam bamsap. Ka kyrwoh khubor na u General Secretary F.Massar ka la kyrpad ia u Lat ban pan ia ka ripod jong ka tohkit Majistor hadien ba la dep pynbiang nadong sha dong,bad ba ki ophisar kiba khlieh ia katei ka jingtohkit ki dei ban phah ia ka ripod sha u Lat.
Ka kyrwoh ka la ong ba ki District Council kiba don hapoh ka jylla ki hap hapoh ka jing peit u Lat namar kumta u don ka hok ban pan ia kino kino ki ripod kiba u sngew donkam.
Ka ai khublei kyrpang ia u Dr D.D. Lapang President MPCC ba u lah phah weng noh ia ki san ngut ki MDC Congress na ka PDF khnang ba ki MDC ka party kin nym ia don bynta lang ha ka jingpyndonkam bakla ia ka pisa jong ka Council.