Ka riam ka beit bad ka por riam

Ka riam ka beit ha ki jaka trei: Hato phi sngew iahap ne em ka don ka jing ong ba ka riam ka beit ka lah ban ialam ia u briew sha ka thong jongka jingjop.

Haba phi riam phi beit haki jaka trei ka pyn long smat long sting iaphi, ka pyni khuid bad don iaka jingkitkhlieh iaka kam ka jam kaba phi trei, hynrei lada phim nang ban riam ban beit bad phim long smat long sting kan long kaba eh wat tang ban ioh kam ioh jam ruh khamtam nakane ka juk kyrduh kam mynta.

Namar kata ban riam ban beit haki jaka trei ymtang baka pyn itynnad ia u briew hynrei ka pynshlur ruh ia u haba roh ki liang. Ki riam kum ki suits,ki riam teng teng (casual) ne ki jainsem ar liang lah ban phong lada phim don iaki dress code jong ki ophis jongphi.

Haki jingkhwai sngewbha (party): Haba phi shahkhot sha kino kino ki jingkhawai sngewbha kaba wan nyngkong eh haka jingmut jingpyrkhat jongphi kadei ka riam ka beit.

Ka dei ka jaka kaba u briew u sngew tynnad eh ban riam ban beit hynrei kaba eh pat kumno ban jied ne pyniahap bad ki rukom khawai. Phim dei ban khuslai,hangne ki don katto katne ki jing ai jingmut kumno ban riam shaki jingkhawai. . Jingkhawai sngikha: Phi lah ban phong daki phrok kiba lyngkot ne kiba jrong(gown) katkum ka jing sngew tynnad jongphi,ki patlun ryngkat ki sopti shiteng (tops) ba itynnad namar kine kin pynsuk iaphi haka ban shim bynta ban shad ban kmen sngewbha lang bad ki paralok. . Haki jaka iathoh shongkurim: Phi lah ban phong da ki riam kiba shai rong, kiba itynnad bad ishongkhia ban peit. Namar kadei ka sngi kyrpang, ki riam tynrai kum ki dhara, ki muka, ki sari synteng (pnar) kidei kiba ishongkun bha ban phong.

1. Ka iing mane bad ki riam kiba ngi dei ban phong: Bun nangi ki briew ngim sngewthuh ba ka iing mane ka dei ka jaka kyntang, ka jaka ban mane ia u Blei ym ka jaka ban iakob pyni riam. Katkum ka jinglap ki riewshemphang, bun ki kynthei ki phong iaki patlun ne ki riam ba paw met. Kine ymtang baki pynsniewdur iaka jaka mane Blei hynrei ka pynduh burom shikatdei eh. Namarkata haba phi don ha ki jaka mane Blei phi lah ban riam bun rukom hynrei dei ban riam don akor pat ban iada iaka long briew manbriew .