Ka result na Tura ka lah ban buh jingma ia u Mukul

Shillong, 19 Jymmang: Ka jingshah rem kput ka Congress ha kane ka elekshon MP shiteng samoi na Tura Lok Sabha, ka lah ban buh jingma shibun ia ka shuki jong u Myntri Rangbah u Mukul Sangma.
Ka kam jong u Mukul u kum u Myntri Rangbah kan long kaban sa jwat tasam ia u ha kane ka jylla. Kawei pat ka jingeh kaban sa tynruh ia u Mukul kan long namar ba ha Assam, yn synshar da ka BJP kaban nym ai lad ia u ban thiah ban dem khamtam ka jingdon jong u  Himanta Biswa Sarma.
Bun kila pynpaw ba kane ka jingshah rem kput ka lok jong u Mukul, kan long ka jingleh bakla jong u ban pynieng ia ka ha kane ka por ba ka jing sngew synei jong u paidbah ka dang jur bha ia ka jingkhlad jong u PA Sangma.
Khlem pep,ka BJP kan sa wanrah da u shabuk hangne ha Meghalaya kumba ka la leh ia ka sorkar Congress ha Arunachal Pradesh. Kane ka aiom ka dei ka aiom ka jingma bad jingdum ia ka sorkar Congress ha kane ka jylla Meghalaya.