Babu Kular Khongjirem
La pynbna ia ka result jong ka MDC Election jong ka GHADC 2021.Ka Congress ka la jop 12 seat ki MDC na ki 29,ka NPP pat ka la jop 11 seat,ka BJP 2,ka GNC 1 bad 3 ngut pat la jop da ki kyrtong shi met(independent).Dei tang ka party UDP bad ka NCP kaba ioh zero ne ioh duck ha katei ka MDC Election. Kaei ka rukom pyrkhat jong kitei ki political party hadien ba la mih kane ka result MDC na Garo Hills.Ka Garo Hills ka dei ka kut baskhem jong ka party NPP bad ka dei ruh ka party kaba bat ia ka bor synshar ym tang ha state Meghalaya hynrei ha GHADC ruh ha kine ki ar snem tam shwa ban pynlong Election.
Ki nongialam ka NPP ki la kop pia lypa ha ki lad pathai khubor ba ka party jongki kan jop bun lypa ki MDC na Garo Hills bad kan jop ym duna ia kumba 15-20 seat.Kane ka party ka jop pynban tang 11 seat bad ka liem na Tura ha ka BJP kaba dei ka shnong jong u (L)P.A Sangma u nongseng jongka bad ka jaka shong ruh u Chief Minister ka Meghalaya bad ka MP jong ka Tura sha Lok Sabha.Wat u ex. CEM jongka ruh u shah pynliem ha u Independent candidate.Lada ka NPP kam lah ban leh bha ha Garo Hills,ka eh ia ka ban leh bha ha Khasi bad Jaintia Hills.Ki nongialam ka NPP kim dei satia ban khein sting ioh poi pynban sha ka lehrain ha ka MLA Election 2023. Ka Congress pat ka ioh haduh 12 seat.Kane ka pyni ba ka NPP kam lah satia ban khein kai ia u Dr Mukul Sangma kum u nongialam ka Garo Hills.Dang bun ki paidbah kiba don ka jingshaniah ha ka party Congress kumba ki ju shaniah naduh ki por mynshwa.
Lada ka congress ka kham trei shitom shuh shuh,ka dang don ka jingkyrmen ha ka MLA Election 2023. Hynrei ki 2 tylli pat ki party ki ia ioh Zero ne ioh Duck.Kita kidei ka party UDP bad NCP.Ka jingioh Nil kine ki party ka la buh ia ka jingeh kaba khraw ia ki nongialam jongka ha u snem 2023.Katno shuh ka jinglut ka por, ka bor bad ka pisa(waste of time,energy and money) jong kine ki party ha kane ka MDC Election 2021 khlem mih soh ei ei.Hato,dei namar ba ka UDP ka la dawa bujli shuki ia u James Sangma ne ba ki Garo ki khein ia ka kum ka party Khasi?
Kine ki party ki dei ban da bishar sani bha(post morten)balei ki shah rem kput eh haduh katne.Lada ki dang khein sting nangne shakhmat bad khlem pyrkhat janai bha,kan poi ka por ba ioh ki shem jingeh sa na Khasi -Jaintia Hills namar don ki nongialam jongka ki bym da salia ne shaniah than ia ki nong trei party kiba rit ba ria kiba ju trei shit rhem bad trei bor bah ia ka party ha man la ki por Election ha la ki shnong ki thaw ne ki polling station.
2023 elections udp kn jop beit tang 3ne 4seat ha baroh meghalaya,npp ruh 15 seat Congress kn job kham bun ki paidbah ki la ngiah ia ka mda ba ki triem tang bn khap ribbon bad bn kren phareng