Ka rai u briew shimet, ym lah ban ong eiei, ong U bah Ardent

Shillong, 18 Jymmang:
“Ka rai u briew shimet, ym lah ban ong eiei” ong U bah Ardent Basaiawmoit, President ka HSPDP bad U MLA ka Nongkrem, haba kynthoh halor ka jingpynmih khubor jong U bah HS Shylla MDC mynta ka sngi, ba un nym ialeh MLA ha ka 2018, ban kyrshan ia U bah Ardent Basaiawmoit.
“Ngan ong nga sngew kumno, haba ki briew ki kwah ban kyrshan, ngi ia trei ia ka kam, ba ki briew, kin kyrshan” ong shuh U Bah Ardent bad ula ong shuh shuh “Nga la dep iaid shakhmat ban pynsngew ba ka parti kan nym pynieng kandidet ha ki katto katne ki Constituency, ban ailad ia ki seng trai ri, khamtam ka UDP, ba kin jop” ong u nongialam rangbah jong ka seng HSPDP.
Hynrei u ong biang “Ngim khmih lynti, ba kiei ki seng kin leh kumta” bad u la ban biang ia ka jingkren jong U MDC ka Nongkrem, da kaba ong “Ka shong ha ka parti (kaba mut ia ka UDP)”. U bah Ardent, u iathuh ba ka don ka rynsan kaba sngew tynnad, kaba u iohsngew ha ka iaid ka ieng jongu, ia ka jing ia trei lang jong ki ar tylli ki seng trai ri ka UDP bad ka HSPDP.