Ka rai ka High Court ka pajih san lum san wah, ong ka MTD

Shillong, 11 K’lyngkot:
Ka Mawlai Town Durbar (MTD) kaba kyn thup 15 tylli ki Durbar Shnong ka la ong ba ka jingpynmih rai ka Meg halaya High Court ba ka jingtreikam jong ki Rang bah Shnong ka long pyn ban kumba pyrshang pyniaid ia ki kam shnong kam thaw ha ka dur kumba ki Tnat Treikam Ka Sorkar ki pyntrei kam, ka iapher sha bneng sha khyndew bad kam iahap satia. “Kane ka rai jong ka High Court ka pajih san lum san wah na ka jingshisha”, la ong ka MTD.
Ka jingialang jong ka MTD kaba long ha ka 9 Tarik Kyllalyngkot 2015 ha Iing Durbar Conference Hall, Mawlai Nonglum, Shillong ka la ong ba ia ka jingai syrnod kiba ki Rangbah Shnong ki ai la seng nongrim halor ka bit ka biang jong u paid nongshong shnong.
Haba ka Sorkar kynthup ia ki Tnat Treikam bapher bapher bad wat ki Bank ruh bunsien ki phah pan ia ki syrnod na ka Shnong ba ki briew ki shong ki sah, ym lah satia ban kyntait khlem da ai, la ong ka MTD.
Ka la ong ruh ba lada ka Sorkar kam kwah shuh ban ia treilang bad ka shnong bad kam kwah shuh ban ithuh shuh ia ki syrnod ba ai ka Shnong, ka lah ban kyntait noh ia kita.
Hapdeng kane ka kynrum kynram bad ka lyngngoh lyngngain, ki jingmutjingpyrkhat, ka MTD ka phai sha ka Autonomous District Council bad ka
Sixth Scheduled ban iasaid halor kane ka rai. Ka laong ba mynta lasngewthuh ba Ka Executive Committee ka Khasi Hill Autonomous DistrictCouncil (KHADC) ka la ujor pyrshah ia katei ka rai ka High Court.
Ka MTD ka la ong ba ka ka Council ka la dep ban mynjur ia ka Ainkaba ki khot “Ka Village Administration Bill 2014”. Katei ka Bill kathmu ban ai bor ban ai bor ia Ki durbar Shnong bad Rangbah Shnong banpyniaid ia ki kam shong kam thaw.
Ia mynta katei ka Village Administration Bill ka dang don bad Ka sorkar Jyla hapoh ka shnat Treikam District Council Affairs (DCA).
Kane ka Durbar jong ka Mawlai Town Durbar (MTD) ka kyntu ia ka KHADC bad kumjuh ruh ia ka Sorkar Jylla Meghalaya ban pynstet ki jingpyrkhat
bad ban rai noh kham kloi halor kitei ki kam khnang ba u Paid Khasi Pnar un nym sah ha ka shaiong. Lada don kino kino ki jingduna ha katei Ka Bill (VAB), yn sa ia pynbeit bad pynwandur hadien. “Haba ia
Ki Riti Ki Dustur jong ngi la pyrshang ban pynshong synjor, hangno shuh Ka lawei Ka Ri”, la ong shuh shuh ka Mawlai Town Durbar ba la phah da u Bah M W Nongbri uba dei u general secretary bad u S D Khongwir u President ka Mawlai Town Durbar.