Ka rai jong ka Supreme Court halor ka jingweng ia ka Article 370 ka long kaba kyrpang, ong u Myntri Rangbah Duh

Shillong: U Myntri Rangbah Duh, u Narendra Modi u la ong ba ka rai jong ka Supreme Court halor ka jingweng ia ka Article 370 ka long kaba kyrpang bad ka pynskhem ruh ia ka jingiahap jong ka rai jong ka Parliament jong ka India ha ka 5 tarik u Nailar 2019 ha kaba iadei bad ka Riti Synshar jong ka ri.
U Modi u la ong ba ka Iingshari, ha ka jingstad jong ka, ka la pynskhem ia ka jingiatylli ba ngi, kum ki briew jong ka India ngi niewkor bha.

U Myntri Rangbah Duh u la post ha ka X:
“Ka rai jong ka Supreme Court mynta ka sngi halor ka jingweng ia ka Article 370 ka long kaba kyrpang bad ka pynskhem ruh ia ka jingiahap jong ka rai jong ka Parliament jong ka India ha ka 5 tarik u Nailar 2019 ha kaba iadei bad ka Riti Synshar jong ka ri; ka dei ka jingpyni ia ka jing thmu, ka jingiaid shaphrang bad ka jingiatylli jong ki hynmen ki para jong ngi na Jammu, Kashmir bad Ladakh. Ka Iingshari, ha ka jingstad jong ka, ka la pynskhem ia ka jingiatylli ba ngi, kum ki briew jong ka India ngi niewkor bha.

Nga kular ia ki briew jong ka Jammu, Kashmir bad Ladakh ba ngi ieng skhem ban pynulong ia ki jingthrang jong phi. Ngi ieng skhem ban pynthikna ba ki jingmyntoi jong ka roi ka par ki poi sha phi bad ba kine ki jingmyntoi ki poi sha kito kiba shem jingeh duh ha ka imlang sahlang kiba la mad ia ki jingeh namar ka Article 370.
Ka rai mynta ka sngi kam dei tang ka kam kaba iadei bad ka ain; ka dei ka jingthmu, ka jingkular ia ka lawei kaba kham bha bad ka dak jong ka jingkut jingmut ban tei ia ka India kaba kham khlain bad ka ba kham tylli. #NayaJammuKashmir”