Ka rai jong ka kashari, ka lah long u mawmer jong ka jingjop: Prestone

Shillong: “Ka rai jong ka Supreme Court ka lah long u mawmer jong ka jingjop” ong u bah Prestone Tynsong symbud myntri rangbah ka jylla hadien ba ka iing bishar ba ha khlieh jong ka ri ka Supreme Court ka la rai ban pyllait noh ia ka jing ia khaii dewiong.

U symbud myntri rangbah u la iathuh ha ki lad pathai khubor ba kane ka sorkar MDA ka la ioh ia u soh ka jingjop, hadien ka jingtrei shitom da kaba buddien sha ka Supreme Court halor kane ka phang khlem shongthait.

U bah Prestone u la ong, “Ka supreme Court ka la pdiang ba ki mar pohkhyndew hapoh ka jylla ki dei ki jong ki trai ri trai muluk jong ka jylla.”

Ka mat kaba iadei ba ka jinglong trai halor ka khyndew ka lah shai mynta ba ki jaka ki puta ki dei ki jong ki trai ri.