“Ka pung jong u dohnud, u maw khyllung, ka um dawai” ha bri ki synrang, kaba ha Laitmawsiang

Laitmawsiang:Haba phi leit sha Laitmawsiang, ka don ka jaka shangkai kaba khring ia ki spah ngut kiba wan na kylleng ka India bad ia kane la lap da ki nongthoh khubor, ha ka jingleit shangkai sha katei ka jaka, kaba la tip kum ka Bri ki Synrang Park Garden of Caves.

Ha ka jingiaid kjat, kaba shimpor kumba 40 minit antad ban peit ia ki jingtei ba phylla ha katei ka jaka, ki don ki ar tylli krem, don ruh ki kshaid kiba rit bad kiba kham khring ia kiba bun, ki dei ia u maw khyllung, ba la paw ha u maw, kum I khyllung, iba dang don ha kpoh jong ka kmie, nangta don sa ka um dawai, kaba tuid na ki synrang maw bad kiba bun ki ia dih ia katei ka um dawai, da kaba kyrmen ban jem ki jingpang bapher bad hangtei, la die ruh ia u siej, uba shongdor T.100 uwei, lada don kiba kwah ban tong um bad ban thep ha utei u siej. Ym tang katta, ka don sa ka pung dohnud, kaba paw ka dur dohnud ha u mawsiang. Kiba bun ki dkhar, kiba leit jngoh ia katei ka pung, ki ju bret pisa khutia, da ka jingkyrmen ba kin ioh ia ka jingnang jingstad, ka jingkyrkhu bad ka jingkoit jingkhiah.

Ha ka jingleit jong ki nongthoh khubor, la lap da ki spah ngut ki bar jylla, kiba wan shangkai sha katei ka jaka, ha kaba kiba bun ki dei kiba wan khnang na shajngai kum na Kolkata, na Assam bad na kiwei de ki bynta jong ka ri India.