L Kongwang
Ka jingduna ban don ki nutrients haka met ka dei kaba la nangkiew ha kine ki sngi bad kane kaba lah ban ktah ban ia kaei kaba ngi pyrkhat .Ymtang baka lah ban long ka daw halor ka jingngat haki ba bunjait ki jingpang bad jingshitom hapdeng ba jur ka jingduna ban don ki nutrients.
Ki nutrients kum ka protein ka dei kaba donkam bha naka bynta ka koit ka khiah jong ka met kiba phi dei ban kynthup haka jingbam kaba phi bam man la ka sngi.Ka protein ka dei kaba lah ban pynjanai halor ka rukom treikam hapoh ka met ban bret iaki ba ym lerkam bad ka iarap ruh halor ka jingtei ka bormet. Ka dei ka jingtei ha man la ki bynta jong ka met halor ka jingheh jingsan bad ka jingpynbiang naka bynta ki tissue.
Ki jingbam ba ngi ioh lyngba ki mrad ki dei kiba riewspah ban don ka protein.Kito kiba ju kiar ban bam doh ki kham sakhi ka jingduna ban don ka protein haka met.Hynrei phim dei ban khuslai ki don ruh ki jhur kiba biang halor ka jingdon ka protein.Naka bynta ban pynthikna halor ka jinglah ban pynduna ka jingkhia bad ka jingpynnneh iaka koit ka khiah,ki don ki lynti ban pynbiang halor ka jingpynrung iaka protein.
HARUM KI DON KATTTO KATNE KI JINGBAM KIBA LAH BAN KYNTHUP NAPDENG KI JINGBAM BA PHI BAM MAN LAKA SNGI.
(1)KA JINGBAM BA IOH LYNGBA KA DUD-: Ka jing bam ba ioh lyngba ka dud kidei ki jingbam ba kynsai halor ka jinglah ban shalan iaka protein haka met bad donkam ban pynthikna ban kynthup kine ki jingbam napdeng ki jingbam ba phi bam bad khamtam naka bynta ki khynnah namar ki dei kiba don ka calcium bad ka phosphorus kaba kongsan na ka bynta ka jingheh jing san jong ki khynnah. Hynrei bunsien kito ki briew kiba jied ban bam tang iaki jingbam kiba lah ban ioh naki jingthung kim lah satia ban kynthup ka jingdih ne bam ki jingbam ba ioh lyngba ka dud.Ka long kaba donkam ban tip ba phi lah ban dih bad bam daki jingbam ba ioh lyngba ka dud bala sain
naki jhur kum ka dud, u soh khyllam ,ki jhur motor napdeng ki wei de bad ka tofu kiba paw ba jur ka jingdon ka protein.
(2)KI DAI:-Ki jait dai bapher bapher ki dei kiba dap daka jingdon ka protein, haka jingshisha ki long ki thymmei kiba ha khmat halor ka jingdon kane ka nutrient. Ka long kaba donkam ban kynthup ban bam man la ka por hapdeng kito kiba jied ban bam tang daki jhur ban pynthikna halor ka jingrung ka protein. Ki dei ruh kiba kynsai hapdeng baki pyrshang ban pynhiar ka jing khia ki don ka protein, ki wei de ki nutrient bad duna ka calorie. Ka jingkynthup kumba shi bolw kine ki dai ka lah ban pyndap ka jingdon kam ka protein haka met.
- KI SHYIENG SYMBAI:— Ki shyieng symbai kidei kiba dap daka jingdon ki nutrients. Kiba bun kidei kiba dap rug daka jingdon ka proteins. Ki katto katne ki shyieng symbai kiba dap daka jingdon ka protein ki kynthup naduh ki shyieng pathaw, ki symbai diengtluh bad shyieng symbai tiewsngi.
- U SHANA KULAI HEH:— Sa uwei de napdeng ki jait jingbam badap daka jingdon ka protein hapdeng ba jied ban bam iaki jingbam udei u shana kulai heh. Une udei uba philah ban shet ha kiba bun ki rukom. Udei uba riewspah ruh ban don ka Vitamin K, Folate, iron, magnesium bad kiwei de ki nutrients. Kidei kiba ruh ban kynthup haka jingshet jingtah ne shu phon bad khlehlang bad kiwei pat ki jingbam symbai.
- KA JINGJIED IAKI JINGBAM STEP BA RIEWSPAH BAN DON KA PROTEIN:- Ka bamstep kaling kawei napdeng kapor bam kaba kongsan tam naka bynta baroh shisngi lynter. Phi lah ban kynthup ka bam step ba riewspah ban don ka protein kalah ban pynneh slem ka jinglong kdang. Ka makhon, ka cheese, shana budam kidei ki jingbam step ba don ka protein ne ka doi, kidei napdeng ki katto katne ki jingbam ba phi lah ban kynthup haka bam step.
Khublei.
Phi don ban ong eiei?