KA POR PYREM: Ka jingsumar ia ka sniehdoh hapdeng ba poi kane ka aiom

Kong Linda Kongwang

Ka jingwan ka jingkylla na kawei ka aiom sha kawei pat ka wanrah ruh shibun ki jingkylla ha ka jingim. Ka jingkut noh ka aiom tlang kamut ban pdiang pat ka jingwan ka aiom pyrem. Kumba ngi kylliang iaki jain bangi phong naki jain syaid shaki jain stang, kumta hi ngi donkam ruh ban kylla bad pyniapher iaka rukom sumar iaka sniehdoh haba ki aiom ki kylla. Ym don shuh da kawei pat ka por kaba khambha ban shimkhia naka bynta ban pynkhreh sumar iaka sniehdoh hapdeng ka jingwan ka aiom syaid bad ha shuwa baka sniehdoh kan mad iaka jingshit bad ka jinglong lati ka met.
Harum phin iohi ki katto katne ki jingai jingmut kiba phi lah ban shim naka bynta ka jingsumar iaka sniehdoh jongphi ha kane ka aiom pyrem.

1. SDANG BAN PYNKHUID IAKA SNIEHDOH JONGPHI : Ka jingsdang ban sait pynkhuid iaka sniehdoh kadei ka jingialeh kaba hakhmat eh hapdeng ka jingkylla ka aiom. Namar ka jingkhriat bad ka jinghap slap jur kilah ban long ka daw bah halor ka jinglang ki dead cells haka sniehdoh jongphi, kumta kalong kaba donkam iaphi ban sait pynkhuid (Scrub) iaka durkhmat bad iaka met jongphi la kumno kumno shisien shitaiew khnang ban lah pynkhuid ia baroh ki jakhlia kum ka jinglong lati bad ki cells kiba tyrkhong bad tlot naka met. Phi lah ban sait pynkhuid iaka sniehdoh jongphi da kaba pyndonkam iaka shini ne u kophi scrub, kine kilah ban ai jingmyntoi shibun iaka sniehdoh jongphi bad kilah ban iarap pynkhuid iaki jakhlia ba sahkut ha ki thliew kiba don ha ka snieh doh ban pynioh ia ka sniehdoh ka ba khuid bad itynnad.
2. KA JINGIADA IALADE NAKA JINGSHAHTHANG HAKA SNGI:— Hadien ka jingpynlut por da ki bnai ban phong iaki jain syaid, ban tah iaki sunscreen kiba bha kalong kaba donkam. Katkum ka jingioh lum jingtip daki stadwadbniah na kiba bun ki tnad la koit ka khiah bapher bapher khamtam kiba iadei bad ka jingsumar iaka sniehdoh, ki shem ba ka pyrem kadei kapor kaba ki briew ki ju ujor halor ka jingshahthang ka sniehdoh bad ka jingshahktah ba mih naka jingshahthang haka sngi. Ha kum kine kipor ban iada ialade na kine ki jingeh, phi lah ban pyn donkam daki SPF kiba bha bad khlain kibalah ban ai jingiada iaka sniehdoh na kum kine ki jingshahktah bad shahthang haka sniehdoh. Naka bynta ka jingmyntoi kaba kham bha, philah ruh ban pynkhreh hi dalade da kaba kynthup bad khlehlang ia u dai saw bad ka dud. Tah iakine ki ingredients bad kyllain hala durkhmat bad ka met kumba 5.minit eiei. Kine ki jingtah ymtang ba kilah ban ai jingiada iaka sniehdoh naka jingshahthang ka sniehdoh, hynrei kilah ruh ban iarap weng iaka jingthangiong bad sahdak haka sniehdoh jongphi. U sohjew udei sa uwei pat naki jaid ingredient uba kynsai tam naka bynta ban ioh iaka sniehdoh kaba shai bad khuid.

3.KA JINGDIH SHIBUN KA UM.Ha ka por ba don ka jingkylla haka aiom, la sniehdoh ka ju shahktah jur naka jingkylla kynsan kynsan jongka suinbneng. Watla la suinbneng kalong syaid, hynrei ngim sngewthuh baka sniehdoh jongngi ka tyrkhong bad ka donkam ka jinglong um. Kalong kaba donkam ban dih la kumno kumno 2 litre lane 7-8 klat ka um haka shisngi . Ba phin ym klet ban dih um, phi lah ruh ban rah iaka um ha u bilor um kat shaba leit ban pynthikna ba phi dih tista iaka.
Phi lah ruh ban pyndonkam daka rose water na ka bynta ban pynkhuid iaka sniehdoh jong phi ha ka ba kut jong ka sngi ne hashuwa ban leit thiah. Ka um tiew kulab (rose water) la ju tip ba kalah ban ai jingmyntoi shibun naka bynta ka sniehdoh, ka ai jingiada naka jingshahthang haka sngi bad iarap pynneh iaka jinglong um ka sniehdoh jongngi. Ha kajuh ka por, ka rose water ka don haka ka anti-inflammatory properties kaba lah ban iakhun pyrshah iaka jinglong tyrha hapoh ka met bad lah ban pynbiang halor ka jingdonkam ka PH haka sniehdoh jongngi. Kiwei de ki jingbam kiba phi dei ban bam kiba lah ban iarap pynneh iaka jinglong um ka sniehdoh ki dei ka dud, ka ngab bad ka doi.

4. PYNDONKAM KI INGREDIENT KIBA DON KYRHAI KA VITAMIN C :— Ka Vitamin C ka don kyrhai haka ka antioxidants kabbalah ban iarap pyllait naka jingthoh lain bad sti ka sniehdoh. Ha kajuh ka por kane ka Vitamin ka iarap ban pynmih ki collagen kiba duna noh na kiba bun ki daw kum ka jingbanbor jongka jingmut jingpyrkhat bad ka jingiaid ka rta bad ka jingkylla ka suinbneng ruh ka long kawei naki daw. Philah ban py donkam daki ingredient kum u snepsoh niamtra, ka umsohjew, u strawberries lane blueberries ban pyndap iaka jingdon kane ka Vitamin haka sniehdoh jongphi. Pynkhreh hi ia kine ki jingtah da kaba shim 1shamoit u snep soh niamtra uba la tylliat bha bad khlehlang 1shamoit u aloe Vera gel bad shiteng shamoit ka umsohjew. Tah iaki haka durkhmat bad ieh kumba katto katne por, hadien kata philah ban sait pynkhuid da ka umpjah.
5. BAM KI JINGBAM TEIMET :— Kaba khatduh hynrei ym kaba kut ,bam iaki jingbam kiba tei met kum ki jhur bad ki soh kiba phi lah ban ioh katkum ka aiom. Kalong kaba donkam namar kaei kaba phi bam ka pawshai haka durkhmat jongphi bad ka sniehdoh kadei kaba lah ban batai shibun shaphang ka jingbam kiba phi ju mlien ban bam. Donkam ban kynthup bun ki fibre bad ki protein haki jingbam jongphi khnang ba phin lait ban bam ia ki jingbam kiba ktah bad pyntlot iaka bormet bad ka sniehdoh ruh.

Khublei