Ka por ka la kut, pyndait ka parti TMC ia ki baje ba ñiew ia ka jingkut noh ka jingsynshar ka MDA ba ialam ka NPP

Shillong:Ka parti Meghalaya Trinamool Congress,ka la pyndait ia ki baje ki ban ñiew ia ka jingkut noh jong ka jing synshar jong ka sorkar MDA ba ialam da ka NPP, ha ki ophis treikam jong ka parti TMC ha Shillong, Jowai bad Tura ha kaba ka baje kan iaid haduh 2 tarik lber kan pynkynmaw ia ki paidbah ba ka sngi jong ka jingdum ha ka jylla kan kut noh shen.

Haba iathuh bniah, u Dr Mukul Sangma, u la ong ba ka baje ka tied sted, ka por kam jngai shuh ba ka jylla Meghalaya kan laitluid na ka sorkar ba bamsap bad ngin wanrah biang ia ka kyrteng, ka dur bad ka burom jong ka jylla ba itynnad.

Ka baje ba la buh haduh ka sngi ñiew vote ka 2 tarik u bnai lber, kaba dei ka sngi ñiew vote na bynta ka elekshon sha ka ïingdorbar thawaiñ jong ka jylla Meghalaya.

Kane ka baje ba la pyndait ha ki ophis treikam jong ka parti TMC,ka don ruh ia ki jingthoh ba la thoh save Meghalaya,vote for TMC bad kawei pat ka jingthoh la thoh Goodbye Inpt led MDA.

Kine ki baje, yn pyndait ha kylleng ki jaka treikam jong ka parti TMC ha ki bynta jong ka Khasi Jaintia bad Garo hills ruh kumjuh.