KA POR EKSAM :- Ki lynti kumno ban kyntiew iaka bor kynmaw haka por eksam?

[ba bteng] Kaei kaba phim dei ban leh:

1. Ban pule kyllum: Kiar na kaba pule kyllum iaki kot haka minit kaba khatduh namar kane kan ym ai jingmyntoi iaphi hynrei kalah ban pynklet noh arshah iaka ei baphi ladep pule bad lada phi klet noh tang kawei ka kyntien ruh kane kan ktah ia baroh ki jubab jong ki jing kylli jongphi.
2. Kaba pule khlem shong thait: Lada phi pyrkhat ban pule kot baroh shi miet khlem iohthiah kan iarap iaphi ban lah kynmaw ne thoh bha haki por eksam, phi bakla, phi donkam ban pyrkhat arsien namar ka jing pule ka kdew shai baki khynnah kiba tip lut iaka phang jong ka jubab hynrei ki kohnguh samthiah haka por eksam ki kham duna ban ioh marks kaba bha ban iakito kiba pule khyndiat hynrei ki iohthiah bha.
3. Kiar na kaba pyrkhat haka por pule: Ka ju jia baphi shait pyrkhat bun kiei kiei haka por pule kot. Ka jingmut jing pyrkhat jongphi kalah ban pyn pyrkhat ia kiei kiei ki bymdon jingiadei bad ka pule puthi. Hynrei lada phi don tang khyndiat kapor bad don shibun ki jingpule , kan bha lada phi lah ban pynleit jingmut tang haki jing pule jongphi, kam pher la ka long kaba eh katno katno ruh, hynrei phi dei ban ailad iaka jabieng ban pynleit jingmut tang ha kiei kiba phi thmu kata ban pule kot.
4. Tieng ne syier: Haba phi iohi iaki jing bun ki lynnong kot ban pule khlem pep phi sdang ban sheptieng. Katba phi nangtieng katta phi nangklet . Namarkata phi dei ban pynjai jai ialade ban sdang ban khreh bha. Phi dei ban don ka jingshaniah halade iaka ei kaba phi tip ne kynmaw. Wat la phi tieng ne syier hynrei katba phi dang shaniah halade phi lah ban jubab pat katto katne ki jingkylli.
5. Ia nujor bad kiwei: Ka biang lada kiwei ki kham lah ban iaphi. Wat mlien ban ia nujor bad kiwei khamtam haka liang ka pule dang le. Kaba ia nujor bad kiwei ka pynartatien iaki jing lah jongphi bad phi lah ban thut noh haka jingthoh eksam hakata ka lynti kaba lah ban nang pynduna iaki jing lah jongphi.
6. Ka jingdom: Ka jingdom riang kadei kawei kaba pynduh noh iaka bor kynmaw namar ka jingkhluit ka jabieng kan ym ailad iaphi ban buh jingkynmaw ia kiei kiei kiba phi pule. Phi dei namarkata borabor ban shong pynjah thait ialade katto katne por haba phi pule bad ka jing iakren bad kiwei tang katto katne por kadei kaba bha tam eh.