Ka por ban pynhap ia u Soitan

AIS SUJA

Ka Bible, ka iathuh ia kata ka por ba u Blei un sa pynhap ia u Soitan sha kane ka pyrthei. Lada kylli hangno u soitan (Lucifer) u don mynta? Bunkin ong ha dujok . Hynrei to tip ba u soitan um pat don mynta ha dujok hynrei udon hangtei ha suin, u don ha kata ka jaka kaba la khot ka BNENG BA AR (second heaven). Udon hangtai hadien ba u Blei u la beh noh ia u na ka bneng ka BA LAI (Third heaven) kaba dei ka jaka shong jong u Blei. 2 Nongkorinth 12:2. U soitan u dei u syiem ba synshar ia ka suin. Ephesos 2:2, Namar u don hangtei ha suin ba la khot Second heaven ne ka bneng kaba ar.

Ha kano ka dur ba u Blei u la pynhap noh ia u Lucifer soitan sha ka jaka bneng kaba AR? U Jisu u ong – “Nga la iohi ia u Soitan ba u hap kum ka leilieh na bne ng,… Loukas 10:18. Ia u Soitan la beh noh na ka bneng kaba LAI sha ka bneng kaba AR (Heaven realm) naka daw ka pop KA JINGSARONG JONG U. Isaiah 14:13-15. / Proverb 16:18. Ka jinghap jong u ka long thik kum ka leilieh.

Haba u la shah beh kumne u khlemmih marwei, hynrei u ialam ia ki nongbud jong u. ka tdong jong u ka ring ia kaba lai ka bynta na ki khlur ka bneng. Jingpynpaw 12:4. Kabamut ba ha ka por ba u Blei u la beh ia u Lucifer (Soitan) ki angel ruh ki iabud ia u. kine ki angel ki la kylla long noh ki ksuid kiba bunjait bad ki don la ka kyrteng bad ki kam ban pynshitom briew. U Lucifer pat um long shuh u angel jong u Blei, hynrei u la kylla ksuid kylla soitan (Satan) kaba mut, u nongialeh pyrshah ia u u Blei.

Kumta ia u Soitan la beh na ka bneng kaba Lai sha ka bneng kaba AR (Kaba mut hapoh khrum jong u BLei). Ka Bible ka iathuh ia ngi, ba u Blei un sahap pat ia u soitan naka bneng kaba AR sha khyndew (earth) lano kane kan jia? Ymdon batip. Hynrei u Blei u la dep pynkhreh lypa nadong shading iaka sngi ka por, bad kata ka sngi ka por kalong hajan. “Kata ka ia hajan. Jingpynpaw 1:3. Ha shwa ba yn pynhap ia u soitan sha khyndew, u Blei un pyndep ia ka ktien ba u la kren. Bad kata ka long ba un pyniohpat ha ki Israel ia u pud u sam uba iar uba khraw, namar u Blei um lah ban klet iakaei kaba u la kular, naduh kip or u Abraham,u Blei u la ong – “ Ha u symbai jong me NGA LA AI IA KANE KA RI, NADUH KA WAH KA RI EGYPT HADUH KA WAHBAH EUPHRATES (Iuphratis). Genesis 15:18. Ia kane ka jingiathuhlypa ynsa pyndep. Haba ynda ka Israel kan pyniar ia u pud u sam, kan sadon ka jingialeh (Conflict) kaba jur hapdeng ki RI Arab, ki hima pyrthei, pyrshah ia ka Israel. Kane ka mat jingkren ka la sdang mynta ha Israel bad ym tip lano pat kan sdang. Hynrei tang shu sdang ban pyniar ia u pud naduh ka wah ka Ri Egypt haduh kawah Euphratis, kan khie ka thma kaba jur. Hangta ka Israel kan ieng ialeh marwei ia ki RI ki hima ka pyrthei. “Pha (Israel) long u side iapom bad ki atiar ialeh thma jong nga. Jeremaiah 51:20. Ha kane ka por, ka Israel kan pynlwet ia u kulai u nongshong kulai ki kali iapom… kan pynlwet ia ki Nongsynshar bad iaki Deputy. Jeremaiah 51:21-23. Ha kum kata ka por kein, yn ym don shuh ki RI ki hima ne ymdon UNO shuh uba lah ban pynsangeh ia kane ka thma hapdeng ka Israel, lait noh uwei u nongsynshar donbor lahduh un mih nakano kano ka Ri un pynsangeh ia ka thma da kaba kular ia ka Israel ia ka peace treaty da kaba tyrwa ha ki Israel ba kin pynieng noh ia ka temple ka BALAI (Third Temple)ha Jerusalem. Ki Israel kin ioh ban tei Temple, bad kane ka Temple kan long ka DAK bala sdang kata ka SHITAIEW KABA KHADDUH ne ki7 snem kiba khadduh bala ong ha u Daniel 9:27.

Kumta HAMAR PDENG jong kane ka shitaiew kaba khadduh, ne 7 snem, U Blei un sa pynhap sa shisien ia u soitan na kata ka bneng kaba AR sha kane ka khyndew (Earth). Ha kata kapor, ka don ka thma ha bneng (suinbneng). U Michael (Angel) bad ki angel jong u kin ialeh thma ia uta u Iakjakor (soitan). Te u Iakjakor ruh bad ki angel jong u, hynrei kim shymlajop bad iaka jaka shong u soitan ymshem shuh ha bneng (Hakata ka bneng ba AR). La shop arsut ia u Iakjakor bakhraw UTA U BSEIN TYMMEN UBA LONG U Ksuid BAD U SOITAN (Lashop sha khyndew) kumta un leit shukor ia ka pyrthei baroh kawei. La shop arsut ia u sha ka khyndew ia kita ki angel jong u la shop arsut, lem bad u. Kumta kordit ia kata ka khyndew (pyrthei) bad ia ka duriaw naba uta u ksuid u la leit hiar haphi UBA DON KA JINGNBITAR BAKHRAW. Balei? Namar u tip ba u don satang khyndiat I por.. Jingpynpaw 12:7-12. Sa katno por na ka bynta u Soitan? Satang 42 bnai ne 1260 sngi (42 X 30) Daniel 9:27. Kata tang shu pynhap ia u soitan sha kane ka pyrthei, u Soitan un ioh long blei un synshar 1260 sngi + 30 sngi= 1290 sngi. Daniel 9:27/ Daniel 12:11. Kan long ka por ba jynjarbah (Great Tribulation period). Mathaios 24:21.

Ka jingjynjar kaba khraw iaka pyrthei baroh kawei. Namar kata, “Suk kita kiba pule bad kiba ioh sngew ia ki ktien jong kane ka jingiathuhlypa, kiba sumar ia kiei kiei ruh IA KI BA LA THOH HA KA : KATA KA IA KALA JAN. Jingpynpaw 1:3.

Amen.