“Ka por ban duwai jur”

AIS SUJA

Ngi im ha ki por jong ki jingeh jingtynjuh bajur. Ngi im haka pateng bynriew kaba mutlop bad ka bymngeit bad ngi im ha ka pateng jong ki jingpang ba bunjait bad kiba eh. Bad ngi long ruh kata ka pateng kaba iohi ia kiei kiei ki jing jia kat kum ka ktien u Blei, ngi long ka pateng kaba iohi ruh ia ka jingkhie lung u dieng dumbur (Israel).

Ka ktien u Blei ka ong – “kin long ki nemsniew, ki jingiapthem ruh, ki jing khynniuh jumai ha kylleng ki jaka. Hynrei kine baroh ki long tang ki jingsdang jongki jingjynjar. Mathaios 24:7-8.
Kaba mut ngi im haka pateng jong ki por ki snem basniew bakyrduh bad ki khlam ha kylleng ka pyrthei. Ka corona virus kadei kawei naki khlam ba shyrkhei kaba lashim shibun ki mynsiem briew. Ki jumai ki khih man kapor ha kylleng ki Ri ka pyrthei, kiba rit bad kiba khraw kiba pynjot bad ki bym pynjot. Hynrei hapdeng kine ki jingjia, ka ktien u Blei ka ong-kine ki long tang ki jingsdang, kaba mut kiba khraw ki don shakhmat kata tang shu pynieng ia ka Temple kaba Lai ha Jerusalem, ngi sngewthuh ba kala long kaba khadduh eh.

Haba ngi iohi bad iohsngew ia kine kiei kiei, ka ladei kapor ban ia duwai jur ba u Blei un pynsangeh khnang ba ngin ioh im ka jingim kaba suk kaba sheptieng burom ia u Blei.

Ka ktien u Blei ka ong kumne: Lada jia nemsniew ha ka Ri, lada jia ka jingiap khlam, lada jia kaba iap iong lane kaba bthuh, u puid kluin lane u puid khlam; Lada ki nongshun ki kerkut ia ki ha ka Ri ki khyrdop jong ki; la kano kano ka jingiap them lane kano kano ka jingpang ka ba do. Te kano kano ka jingduwai bad ka jingkyrpad ba pyllong da uno uno u briew jong me baroh ki Israel uba tip marwei marwei iala ka jong ka jingshitom bad la ka jong ka jingsngewsih bad un kner la ki kti sha kane ka ing. 2 Khronikl 6: 28-29.
Ka mut lada jia kum kine ki jing jia u Blei un sngap haba u briew u duwai kum ba kala jia ha Israel hyndai. Shuh shuh ka ktien ka ktien u Blei ka ong-“ Lada kinphai shame da ka dohnud baroh bad da laka mynsiem baroh haka Ri ka jinglong mraw jong ki sha kiba la ring mraw ia ki bad ki duwai sha la ka ri……….te to sngap ma me na bneng n aka shong jongme kein, ia ki jingduwai bad ki jingkyrpad jong ki bad to pynieng ia ka hok jongki, bad to map ia ki briew jong me kiba la lehpop ia me. Ah u Blei jong nga, nga kyrpad ia me to peit la ki khmat, to pynshah la ki shkor ha ki jingduwai ba la pyllong ha kane ka jaka”. 2 khronikle 6: 38-40.
Ha pdeng kane ka khlam kaba lawan hapoh ka Ri jong ngi to ngin ym sheptieng ia kaba sniew, kumba ong u David Salm 23:1-4. Hynrei ngin duwai jur ba u Blei un klet un map ia ki pop ki briew bad ba un phai ia ki khmat jong ki sha ka Diengphna kalbari ha kaba la iap u Nongpynim u Nong siew spah na ki bor ka pop baroh.
U Blei u kren skhem da kaba ong- Lada ki briew jong nga ia kiba la khot da ka kyrteng jong nga kin pynrit ialade BAD KIN DUWAI, kin wad ia ka khmat jong nga, kin phai na ki lynti bymman jong ki ; kumta te ngan sngew na bneng ngan map ia ki pop jong ki, NGAN PYNKHIAH IA KA RI JONG KI” 2 khronikl 7-14.
Mynta hi kadei ka por ban duwai jur bad khot kyrpad ia u Blei ha ka kyrteng u Jisu uba na Nazareth, namar la ai ha u Jisu ia kabor baroh ha bneng bad ha khyndew. Mathaios 28:18. Amen.