“Ka pop jong nga bad jong me, la khuid”, pynkynmaw u bah Hamlet ba ong u Dr Don

Shillong: “U la khot ia nga hadien ba la jied Lamphang, bad u la ong, ei Hamlet, ka pop jong nga bad jong me, la khuid mynta ka sngi”, la pynkynmaw u bah Hamletson Dohling ia ka jingkren u Dr Donkupar Roy ia u hadien ba la dep jied Lamphang mynshem snem.

U bah Hamletson ula pynkynmaw ia kane ka jingkren jong u, ka long hadien ba kila iania shwa ka elekshon MLA 2018 haduh ba u bah Hamlet un mih na ka UDP namar ka jingthmu ban pynduh ia ka tiket na ka jingiateh ka UDP bad ka HSPDP.
U bah Hamlet ula pynkynmaw ba shwa ka elekshon 2018, u la iathalain nia hynrei u Dr Donkupar um pyni eiei ka jingdom hynrei u shu phuh sam rkhie beit.
“Watla ngam jop na ka UDP ha ka elekshon hynrei nga la jop ia ka elekshon namar ka jingkyrkhu jong u Dr Donkupar”, la ong u Hamlet.
U bah Hamlet ula pynkynmaw ia ki jingtbit u Dr Donkupar naduh ba u iakynduh por long kum u KSU haduh ka jingkhlad noh na ka pyrthei.