Shillong: Hadien ba ka Reserve Bank of India, ka la buh kyndon halor ka jingsei pisa na ka Yes Bank, ka sorkar Jylla, ka la pynshai mynta ka sngi, ba ki ar tylli ki Bank jong ka Jylla, kiba kynthup ia ka Meghalaya Co-operative Apex Bank bad ka Meghalaya Rural Bank, ki dei kiba don jing iadei malu mala bad katei ka Yes Bank bad ka la don ka jingktah kaba malu mala ia kitei ki ar tylli ki Bank bad la pynkhreh ban pynbeit kyrkieh ia kitei ki jingthut kiba don ha kitei ki Bank.
La ong shuh shuh ba kitei ki Bank, kim don jingiadei satia ha ka kam pisa tyngka bad ka Yes Bank bad la ong ba kitei ki Bank, ki biang ka pisa ha kti jongki bad ki lah ban pyniaid shakhmat ia ki kam jongki, khlem don jingwit eiei ruh em. La ong ruh ba kitei ki Bank, ki don ha ka Scheduled status, ba la ithuh da ka Reserve Bank of India, kaba pyni ba ki pyniaid bha ia ka pisa tyngka.
La ong shuh shuh ba ka sorkar Meghalaya, kam don jingthmu ban sei noh ia ka pisa na kitei ki Bank, namar ba ka dei ka pisa kaba ki dei ban nang pyniaid ia ki kam jongki.
Ha kajuh ka por, la iathuh ba ki la don kiba pyn saphriang khubor sha ki social media, kiba bthah ia ki briew, ba kin sei noh ia ki pisa jongki, na kitei ki Bank bad halor kane ka sorkar Jylla, ka la dei ujor ejahar sha ki pulit, ban lap ia kitei kiba pyn phriang ia kitei ki khubor lamler. La bthah ia ki riew paidbah ba kim dei ban sngap ia kitei ki khubor pyntieng kohtympan.
Ka A/Payee cheque jong ka Apex bank, kan long ne em lada nga deposit haka SBI Account jong nga???