Ka pisa, ba ioh kurup na ki MLA ka Jharkhand, ka long T.50lak

Ki lai ngut ki MLA jong ka seng Congress na Jharkhand lem bad arngut kiwei pat ki nongbud jongki, ki la shah kem ha ki pulit jong ka West Bengal. Kitei ki MLA, ki khung ia ka pisa kaba T.50lak ha ki kali, ba ki shong.

Ki pulit ki la kem ia u nongniah bad u nongbud bad la leit ialam mynta ka sngi, ha ka kashari jong ka Howrah, ba kan shim bishar ia ki.

Ka seng Congress, ka la sospon ia ki lai ngut ki MLA bad ka tnat CID jong ka sorkar jylla, ka la shimti ban tohkit, halor katei ka jingjia, ong ka khubor.

Ka SUV, kaba kit ia kitei ki MLA, ba kynthup ia U Irfan Ansari, U Rajesh Kachchap bad U Naman Bixal Kongari, ki la shah bat ha ki pulit ka Ranihati ha Panchla, katba ki dang iaid ha ka surok bah National Highway-16.