Ka phlim ba hiar ka shongkha

Shillong, 13’lyngkot:
Ka White Eagle Producation ka la pynbna ba shen kan sa pyllait paidbah noh ia ka phlim Ina-Morato, ka phlim kaba ki la shna bad pynwandur halor ka jinghiardor ka shongkha shongman ha kane ka juk mynta. Ia ka Ina-Morato la shna bad pynwandur da u Bah Jimi Raul Kharmuti -u Director bad u la pynwandur ia katei ka phlim ban pyni ba ka jingkhein kyntang ia ka shongkha shongman ka la hiar arsut.U Bah Jimi u la iathuh ruh ba ka jingshna ia katei ka phlim ka long ha ki lai tylli ki bynta, kata ka jingdonbor ka spah ka phew kaba poi haduh u pud ba ka jingieid kam don jaka shuh tang namar ka jingduk jingriewspah shiliang shiliang, kawei pat ka phang kadei halor ka jingiapher ka jingngeit bad ruh halor ka jingbym donshuh ka jingkitkhlieh jong u shynrang ha ka iing ka sem.