“Ka PDF, kam dei ka seng sain pyrthei” pynshai u bah Pynshngaiñ

Shillong, 20’lyngkot:
U Chief Executive Member ka KHADC u bah Pynshngaiñ N Syiem u la pynshai halor ka khubor kaba la mih ha u Rupang ha ka 19 tarik mynta u bnai halor ka jingthoh kaba ong ‘Her Delhi u bah Pynshngaiñ ban rejistar ia ka PDF’-’16 ngut ki MDC, kin thaw kum ka seng saiñpyrthei’.
U bah Pynshngaiñ u la ong ba katei kam dei kaba shisha bad u la ong ruh ba ka People Democratic Forum ka dei ka Forum ne ka kynhun synrop bad kam lah ban long Political Party hynrei ka dei beit ka kynhun synrop jong ki seng saiñpyrthei bapher bapher ba kynthup ia ka UDP, HSPDP, BJP, NCP, UDA bad u-u dkhot ba la shah sospon ha ka seng Congress.
U la pynshai ruh ba ym dei satia ba u leit Delhi hynrei u leit ialam kai ia ki khun shabar jylla.