Nongpoh: Ki nongkitkam ka Mawlein Youth Sports Club, ki la pynbna paidbah ba ki pynlong biang ia ka Open to All Knock Out Football Tournament bad ruh ia ka Veteran Tournament, na ka bynta kito kiba la kynjoh sha ka 40 snem kyrta bad yn shah ruh 6 ngut kiba 35 snem.
U Bah Sumarlang Swer, Chairman ka Football Tournament bad u Samla J Mawlong, President ka MYSC, ha ryngkat ka jingdonlang Bah Stensil Mawlong ka Sohkyndur, ki la pyntip ba katei ka lympung ialehkai yn sdang naduh ka 24 tarik mynta u bnai.
Ki la pyntip ruh, ba ka klob ka la pynkhreh ia ki khusnam pisa, kaba long T. 1 lah ia kaba rah namlahduh bad T. 50 hajar ia kaba wan ba-ar. Katba ha ka Veteran Tournament ka khusnam kan long T. 30 hajar ia kaba rah namlahduh bad T. 15 hajar ia kaba ba-ar.
Ki la pyntip ruh, ba ka bai rung kan long T.3500/- naka bynta ki senior bad T.2000/- naka bynta ki veteran.
Ia ki form na bynta kito ki klob kiba kwah shim bynta ha katei ka lympung ialehkai, lah ban ioh na ki dkhot ka MYSC, ABK Tea Stall Mawlai Nongkwar pyrshah Bazar India, RJN Sports for you (Umsning), Ri-Bhoi Home Care Nongpoh, Everest Global Store (Bhoirymbong) bad ka tarik kaba khatduh ban pynpoi ia ki entry form kan long ha ka 15 tarik mynta u Bnai.
Phi don ban ong eiei?